ايماقتار • 07 ماۋسىم، 2020

سولتۇستىك قازاقستاندا مولانىڭ قورشاۋىن ۇرلاپ جۇرگەندەر ۇستالدى

31 رەت كورسەتىلدى

قازاق اراسىندا «ۆانداليزم» دەگەن تاعىلىقتىڭ قازاقشا اتاۋى دا جوق، ويتكەنى ءبىزدىڭ حالقىمىز مۇنداي ازعىندىقتى بۇرىن بىلمەگەن. بىراق وسىنداي تاعى قىلمىس جاسايتىنداردىڭ ءالى دە ارامىزدا جۇرگەنى وكىنىشتى. جۋىردا سقو اققايىڭ اۋدانى ورتالىعىنىڭ ءبىر تۇرعىنى پوليتسياعا شاعىم بەرىپ، اكەسىنىڭ باسىنا قويىلعان تەمىر شارباقتى بىرەۋدىڭ تاس-تالقان قىلىپ بۇزىپ اكەتكەنىن ايتادى.

اۋداندىق كريمينالدىق پوليتسيا دەرەۋ تەمىر جينايتىنداردى تەكسەرسە شارباقتىڭ تەمىر شىنجىرلارى سوندا جاتقان بولىپ شىعادى. مۇنى وتكىزگەن 1987 جىلى تۋعان، بۇرىن سوتتالعان وسى اۋىلدىڭ تۋماسى ەكەن. ادام دەۋگە اۋىز بارمايتىن ازعىن اراق تابۋدىڭ باسقا جولىن تاپپاي، ءولى ارۋاقتاردى مازالاپ، ولاردىڭ باسىنا قويىلعان بەلگىلەردى سىندىرىپ، تەمىر جيناۋشىعا وتكىزگەن ەكەن. قازىر ونىڭ ۇستىنەن قىلمىستىق ءىس قوزعالىپ، سوتقا دەيىنگى تەرگەپ-تەكسەرۋ پروتسەسى ءجۇرىپ جاتىر.

ەكىنشى ازعىندىقتى پەتروپاۆل قالاسىنداعى جۇمىسشى كەنتىنىڭ بۇرىن سوتتالعان، 1962 جىلى تۋعان تۇرعىنى جاساعان. ونى زيرات جاقتان اۋىر زاتتار كوتەرىپ كەلە جاتقانىنان كۇدىكتەنگەن پوليتسيا كاپيتانى ايدار قۋاندىقوۆ توقتاتقان ەكەن. قولىنداعى سومكەسىن تەكسەرە كەلگەندە ونىڭ ىشىنەن زيرات شارباعىنىڭ تەمىر بولىكتەرى شىققان. پوليتسەيلەر قورىمعا بارىپ، بۇزىلعان كىمنىڭ زيراتى ەكەنىن دە انىقتاعان. قازىر مارقۇمنىڭ تۋىستارىنىڭ ارىزىنىڭ نەگىزىندە ازعىننىڭ ۇستىنەن قىلمىستىق ءىس قوزعالعان.

ءبىر كەزدە وسىنداي تاعىلىق كوبەيىپ كەتكەن ەدى. بىراق ولارعا قارسى جازا قولدانۋ كۇشەيتىلىپ، مۇنداي قىلمىستار ازايعان. ەندى سوندايلار قايتادان باس كوتەرە باستاعان ءتارىزدى. بۇل ىستە تەمىر جيناۋشىلارعا دا قاتاڭ شارا قولدانىلىپ، ولارعا وسىنداي زاتتاردى الماۋ قاجەتتىگى زاڭدى تۇردە ەسكەرتىلگەنى ءجون بولار ەدى.

 

سولتۇستىك قازاقستان وبلىسى

 

سوڭعى جاڭالىقتار

ۇقساس جاڭالىقتار