سۋرەتتى تۇسىرگەن: ەربول تەمىروۆ
-ءبىزدىڭ قىزمەتكەرلەر بالالارعا ءاردايىم سىيلىق تابىس ەتىپ, ءار ءتۇرلى ءىس-شارالار مەن ەكسۋرسيالاردى ۇيىمداستىردى,-دەيدى اۋداندىق تج ءبولىمىنىڭ باستىعى قۋات اسىلحانوۆ. -بالالار الاڭشاسىنداعى بارلىق قۇرالداردى قىزمەتكەرلەر قولداعى بار ماتەريالداردان ءوز قولدارىمەن جاسادى, جارتىسىن ۇيلەرىنەن اكەلدى.
ال, «وگونەك» بالالار الاڭى فۋتبول جانە ۆولەيبول الاڭدارىمەن, ستريتبول الاڭقايىمەن جابدىقتالعان.
كىشكەنتاي بالاقايلارعا اتكەنشەكتەر, تۋرنيكتەر, جۇگىرۋ ترەناجەرلارى مەن قۇممەن وينايتىن ورىندار بەلگىلەنگەن.
اۋىل تۇرعىندارى چۋبان, كيريچەنكو وتباسىلارى اباتتاندىرۋعا جاقسى كومەك كورسەتتى.
جەرگىلىكتى كاسىپكەر الەكساندر شاندونوۆين بولسا, ءوزىنىڭ جۇك كولىگىمەن ويىن الاڭىنا قاجەتتى وزەن قۇمىن اكەلدى.
ال, «ازيمۋت» دۇكەنىنىڭ قوجايىندارى الاڭنىڭ مەرەكەلىك راسىمدەلۋىن ۇيىمداستىرىپ, بالالارعا ءتاتتى سىيلىقتاردى ازىرلەدى.
ەندى تج ءبولىمى مەن ءورت ءسوندىرۋ ءبولىمىنىڭ قىزمەتكەرلەرى بالالار الاڭىندا ورتكە قارسى تاقىرىپتاعى مەن سۋداعى قاۋىپسىزدىك شارالارىنا ارنالعان ءتۇرلى-ءتۇستى پلاكاتتاردى ورنالاستىرۋدى جوسپارلاۋدا.
ءبولىم جانە ءورت ءسوندىرۋ ءبولىمىنىڭ باسشىلارى وسى الاڭشاعا جىل سايىن قىزمەت كورسەتۋ جانە اۋىل بالالارى ءۇشىن سپورت جانە ويىن ترەناجەرلارىن ورناتۋ مىندەتتەرىن الدى.
پاۆلودار وبلىسى
ەرتىس اۋدانى
