قازاقستان • 06 ماۋسىم، 2020

قورعانىس مينيسترلىگىنىڭ قىزمەتتەرى ءموبيلدى قوسىمشادا قولجەتىمدى بولادى

15 رەت كورسەتىلدى

اعىمداعى جىلدىڭ سوڭىنا دەيىن قورعانىس مينيسترلىگى قۇرامالىمدىق بولىمشەلەرى كورسەتەتىن مەملەكەتتىك قىزمەتتەردىڭ ءبىر بولىگى حالىققا eGov mobile ءموبيلدى قوسىمشاسى ارقىلى قولجەتىمدى بولادى، دەپ حابارلادى مينيسترلىكتىڭ ءباسپاسوز قىزمەتى.

ازاماتتاردىڭ ءومىر ءسۇرۋ ساپاسى مەن ءال-اۋقاتىن ارتتىرۋ شەڭبەرىندە قورعانىس مينيسترلىگىمەن 2019 جىلى حالىققا كورسەتىلەتىن 14 مەملەكەتتىك قىزمەتتىڭ 13-ءى ەلەكتروندىق فورماتقا كوشىرىلدى.

مەملەكەتتىك قىزمەتتەردى كورسەتۋدى ودان ءارى تسيفرلاندىرۋ، سىبايلاس جەمقورلىق تاۋەكەلدەرىن بارىنشا جويۋ، ەلەكتروندىق ۇكىمەت پورتالى ارقىلى مەملەكەتتىك قىزمەتتەردى كورسەتۋدى تانىمال ەتۋ ءۇشىن اعىمداعى جىلدىڭ سوڭىنا دەيىن قورعانىس مينيسترلىگى تسيفرلىق دامۋ جانە اەروعارىش ونەركاسىبى مينيسترلىگىمەن، «ۇلتتىق اقپاراتتىق تەحنولوگيالار» اكتسيونەرلىك قوعامىمەن ءوزارا ءىس-قيمىل جاساي وتىرىپ، «ەلەكتروندىق ۇكىمەت» پورتالىنىڭ موبيلدىك قوسىمشاسى ارقىلى سەگىز مەملەكەتتىك قىزمەت كورسەتۋدى ىسكە اسىرۋدى جوسپارلاپ وتىر.

جىل سوڭىنا دەيىن قازاقستاندىقتار ۇيدەن شىقپاي-اق، سمارتفون ارقىلى اسكەرگە شاقىرۋ ۋچاسكەلەرىنە تىركەۋ تۋرالى كۋالىكتى، زاپاستاعى وفيتسەرلەرگە، سەرجانتتارعا، ساربازدارعا ارنالعان اسكەري بيلەتتەردى نەمەسە ولاردىڭ دۋبليكاتتارىن رەسىمدەي الادى دەپ كۇتىلۋدە. سونىمەن قاتار، جىلدام ءارى قاۋىپسىز تۇردە اسكەري قىزمەت وتكەرگەنىن راستاۋ تۋرالى، ازاماتتىڭ اسكەري قىزمەتكە قاتىسى تۋرالى انىقتامالاردى، سونداي-اق جەڭىلدىك ساناتتارىنداعى ازاماتتارعا انىقتامالار الۋعا بولادى. ولار ۇلى وتان سوعىسىنىڭ، چەرنوبىل اتوم ەلەكتروستانتسياسىنداعى اپاتتىڭ سالدارىن جويۋعا قاتىسۋشىلار جانە  ينتەرناتسيوناليست-جاۋىنگەرلەر.

تىزىمگە سونداي-اق ازاماتتاردى اسكەري-تەحنيكالىق جانە باسقا دا اسكەري ماماندىقتار بويىنشا دايارلاۋ، اسكەري مىندەتتىلەر مەن شاقىرىلۋشىلاردى اسكەري ەسەپكە قويۋ نەمەسە ودان شىعارۋ، سونىمەن قاتار  قارۋلى كۇشتەردىڭ قىزمەتتىك تۇرعىن ۇيگە مۇقتاج اسكەري قىزمەتشىلەرىن ەسەپكە قويۋ جونىندەگى قىزمەتتەر كىرەدى.

2019 جىلى قورعانىس مينيسترلىگى 310 112 مەملەكەتتىك قىزمەت كورسەتتى. ونىڭ 290460-ى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ» فيليالدارى ارقىلى، 10 239-ى قاعاز قۇجاتتار ارقىلى اسكەري بولىمدەر مەن مەكەمەلەردە، 9 413-ى «ەلەكتروندىق ۇكىمەت» پورتالى ارقىلى ەلەكتروندىق تۇردە جۇزەگە اسىرىلدى.

باستى ماقسات، ءاربىر ادام مەملەكەتتىك ورگاندار مەن مەكەمەلەرگە بارماي نەمەسە قاعاز قۇجاتتاردى قولدانباي-اق، «جىلدام جانە ونلاين» قاعيداسىمەن مەملەكەتتىك قىزمەتتى الۋ بولىپ تابىلادى.

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار