ايماقتار • 06 ماۋسىم، 2020

پاۆلودار وبلىسىندا 29 سپورت نىسانى سالىنادى

29 رەت كورسەتىلدى

وبلىستىق سپورت جانە تۋريزم باسقارماسىنىڭ مالىمەتىنشە، وڭىردە  «جۇمىسپەن قامتۋدىڭ جول كارتاسى–2020» مەملەكەتتىك باعدارلاماسى بويىنشا سپورت نىسانىن سالۋعا جانە باسقا  نىسانداردى كۇردەلى جانە اعىمداعى جوندەۋگە 1 ملرد تەڭگەدەن استام قاراجات بولىنگەن.

سۋرەتتى تۇسىرگەن: ۆالەري بۋگاەۆ

باعدارلاما اياسىندا اۋدان  ورتالىعى  تەرەڭكول اۋىلىندا جابىق حوككەي كورتى، اقسۋ قالاسىندا دەنە شىنىقتىرۋ-ساۋىقتىرۋ كەشەنىنىڭ قۇرىلىسى باستالدى. ءوڭىر باسشىلىعى وبلىس ورتالىعىنداعى  بارلىق جۇمىس تۇرلەرىنىڭ ساپاسىن باقىلاۋ ءۇشىن 5 نىساندى ارالاپ كوردى.

بارلىق جوبالاردى ۋاقىتىندا اياقتاپ، ولاردىڭ ساپالى ورىندالۋى ءۇشىن ءاربىر نىساندا بەينەباقىلاۋ ورناتىلادى. ياعني، بۇل قۇرىلىس سالۋداعى مەردىگەرلەر جۇمىسىنىڭ بارىسىن، قۇرىلىسشىلارعا ەڭبەك قاۋىپسىزدىگىن ساقتاۋعا   جاعداي جاساۋ ءۇشىن  وتە قاجەت.

مىسالى، قازىر  مەردىگەر وبلىس  ورتالىعىنداعى «استانا» مۇز سارايىنىڭ عيماراتىنىڭ شاتىرىن كۇردەلى جوندەۋى جانە كابەل جەلىلەرىن اۋىستىرۋدى باستادى. جۇمىستاردى 2020 جىلعى قىركۇيەكتە اياقتاۋدى جوسپارلاپ وتىر. سونداي-اق، «شاحمات ءۇيى» مەن ورتالىق ستاديون عيماراتتارىندا  كۇردەلى جوندەۋ جۇمىستارىن جۇرگىزىپ جاتقان  مەردىگەرلەردىڭ جۇمىسى قاتاڭ باقىلاۋدا.

ال وبلىس اكىمىنىڭ  ورىنباسارى  ساكەن شاياحمەتوۆ  №2 وليمپيادالىق رەزەرۆتەگى بالالار مەن جاسوسپىرىمدەرگە ارنالعان مامانداندىرىلعان مەكتەپتە «Tabys Power Construction» جشس جانە «التاير حولدينگ» جشس مەردىگەرلەرىمەن كەزدەستى. قۇرىلىسشىلار تامىز ايىندا شاتىردى اعىمداعى جوندەۋ، سونىمەن قاتار قاسبەتى مەن تاقتايلى ەدەندى كۇردەلى جوندەۋ جۇمىستارى اياقتالاتىنىن ايتتى.

سونىمەن بىرگە، «باتىر» بالالار مەن جاسوسپىرىمدەر دزيۋدو مەكتەبىندە كۇردەلى جوندەۋ جۇمىستارى جۇرگىزىلۋدە. بۇل جوباعا بارلىعى 180 ميلليون تەڭگە بولىنگەن.  

 

پاۆلودار

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار