قازاقستان • 05 ماۋسىم، 2020

بىرقاتار وبلىستا اۋا رايىنا بايلانىستى ەسكەرتۋ جاريالاندى

388 رەت كورسەتىلدى

اقتوبە، ماڭعىستاۋ، شىعىس قازاقستان، اتىراۋ، تۇركىستان، قىزىلوردا وبلىستارىندا قولايسىز اۋا رايىنا بايلانىستى ەسكەرتۋ جاريالاندى. بۇل تۋرالى «قازگيدرومەت» رمك ءباسپاسوز قىزمەتى حابارلادى.

«قازگيدرومەت» رمك مالىمەتتەرىنە سايكەس، 6 ماۋسىمدا اقتوبە وبلىسىنىڭ كەي جەرلەرىندە نايزاعاي كۇتىلەدى. وڭتۇستىك-شىعىستان، وڭتۇستىكتەن سوققان جەلدىڭ جىلدامدىعى 18 م/س جەتەدى.

ماڭعىستاۋ وبلىسىنىڭ كەي جەرلەرىندە كۇن كۇركىرەپ، نايزاعاي جارقىلدايدى. سولتۇستىك-باتىستان سوعاتىن جەلدىڭ جىلدامدىعى كەي جەرلەردە 15-20 م/س جەتەدى.

6 ماۋسىمدا تۇندە شىعىس قازاقستان وبلىسىنداعى تاۋلى جەرلەردە جاڭبىر جاۋادى، ارتى قارعا ۇلاسۋى مۇمكىن. كەي جەرلەردە نايزاعاي ويناپ، داۋىل سوعادى. كۇندىز بۇرشاق جاۋى مۇمكىن. سولتۇستىك-باتىستان، سولتۇستىكتەن cوعاتىن جەلدىڭ كۇشى كەي جەرلەردە 15-20، كۇندىز ەكپىنى 25 م/س جەتەدى. سونداي-اق وسكەمەندە نايزاعاي ويناپ، كۇندىز بۇرشاق جاۋادى. سولتۇستىك-باتىستان، سولتۇستىكتەن سوققان جەلدىڭ ەكپىنى 15-18 م/س جەتەدى. 6 ماۋسىمدا سەمەيدە نايزاعاي ويناپ، كۇندىز بۇرشاق جاۋى مۇمكىن. سولتۇستىك-باتىستان، سولتۇستىكتەن سوققان جەلدىڭ ەكپىنى 15-18 م/س جەتەدى.

6 ماۋسىمدا تۇندە اتىراۋ وبلىسىنىڭ كەي جەرلەرىندە نايزاعاي، كۇندىز شاڭدى داۋىل سو،ادى. سولتۇستىك-باتىس، سولتۇستىكتەن سوعاتىن جەل جاڭبىر كەزىندە 15-20 م/س جەتەدى.

اتىراۋ قالاسىندا كۇن كۇركىرەپ، نايزاعاي جارقىلدايدى.

تۇركىستان وبلىسىنىڭ كەي جەرلەرىندە شاڭدى داۋىل سوعادى. شىعىستان تۇرعان جەلدىڭ جىلدامدىعى 15-20، ەكپىنى 25 م/س كۇشەيۋى مۇمكىن. 6 ماۋسىمدا كۇندىز شىمكەنتتە شىعىستان ەكپىنى 15-20 م/س جەل سوعادى. 6 ماۋسىمدا تۇركىستان قالاسىندا شىعىستان سوققان جەلدىڭ جىلدامدىعى 15-20 م/س جەتەدى. 6 ماۋسىمدا قىزىلوردا وبلىسىندا سولتۇستىك-شىعىستان جەل سوعادى، كۇشى كەي جەرلەردە 15-20 م/س جەتەدى، ارتى شاڭدى داۋىل ۇلاسۋى مۇمكىن.

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار