ايماقتار • 05 ماۋسىم، 2020

ۋنيۆەرسيتەت بىتىرەتىن 30 تۇلەك پوليتسيا قاتارىنا قوسىلماقشى

26 رەت كورسەتىلدى

م.قوزىباەۆ اتىنداعى سولتۇستىك قازاقستان ۋنيۆەرسيتەتى – وبلىستىق پوليتسيا ۆەدومستۆوسى ءۇشىن كادرلاردىڭ سەنىمدى ورداسى بولىپ وتىر. وتكەن جىلى سقو پوليتسياسى قاتارىنا 80 جاس قىزمەتكەر كەلسە، سونىڭ 21-ءى وسى ۋنيۆەرسيتەتتەن ەدى. ال بيىل پوليتسيادا قىزمەت ەتۋگە سقۋ وقىتۋشىلارى جۇرگىزگەن ساۋالنامالارعا قاراعاندا وتىزعا جۋىق ستۋدەنت كەلمەكشى.

بىلتىر پوليتسياعا كەلگەن تۇلەكتەردىڭ ءبىرى – البينا قىپشاقباەۆا. ول پەتروپاۆل قالاسىنىڭ پب اكىمشىلىك تاجىريبە توبىنىڭ ينسپەكتورى قىزمەتىندە ىستەپ، 2019 جىلدىڭ اياعىندا لەيتەنانت اتاعىن الدى.

«جەكە مەن ىشكى ىستەر ورگانىنا كەلۋگە ۇگىتتەۋگە قاجەتتىلىك بولعان جوق، مەن بالا كەزىمدە-اق نە مەديتسينا قىزمەتكەرى، نە پوليتسەي فورماسىن كيەمىن دەپ شەشىپ قويعانمىن. دەگەنمەن ءتارتىپ ساقشىلارىمەن جۇرگىزىلگەن كاسىپتىك باعدارلاۋ كەزدەسۋلەرىنىڭ پايداسى مول بولدى. زاڭ ماماندىعىن الىپ جاتقان بىزدەر ءۇشىن پد مۋزەيىنە، نىساندارعا ەكسكۋرسيالار ۇيىمداستىرىپ، العاشقى دايارلىققا وقۋعا ءتۇسۋ ءتارتىبىن ءتۇسىندىردى. وسىنىڭ بارلىعى قىزمەتتە مەنى نە كۇتىپ تۇرعانىن ءتۇسىنىپ، سەزىنۋگە سەپتىگىن تيگىزدى»، - دەيدى ول.

سقۋ-دا «زاڭگەر» كلۋبى قۇرىلعان. بۇل جەردە بولاشاق زاڭگەرلەرمەن تەرگەۋ باسقارماسىنىڭ، ەسىرتكى قىلمىسىنا قارسى ءىس-قيمىل باسقارماسىنىڭ، باسقا دا بولىنىستەردىڭ قىزمەتكەرلەرى جۇمىس جۇرگىزەدى. كەزدەسۋلەر سەمينار نە پراكتيكالىق ساباق تۇرىندە وتەدى. تەرگەۋشىلەر مەن انىقتاۋشىلاردىڭ پروتسەستىك قىزمەتىنە شولۋ، قۇقىقتىق سانانى قالىپتاستىرۋداعى ءدىننىڭ ءرولى جانە وسى سياقتى تاعى باسقا تاقىرىپتار - قۇقىقتىق ءبىلىمنىڭ نەگىزىن قالايدى.

«وتكەن جىلى جوو مەن سقو پد اراسىندا ىنتىماقتاستىق تۋرالى مەموراندۋمعا قول قويىلدى، سونىڭ ارقاسىندا ستۋدەنتتەرمەن كاسىپتىك باعدارلاۋ تۋرالى اڭگىمەلەسۋدەن باستاپ تۇلەكتەردىڭ ىشكى ىستەر ورگاندارىنا جۇمىسقا ورنالاسۋى بويىنشا ءوزارا ءىس-قيمىل جاساۋدىڭ تەتىگى بەكىتىلدى، - دەيدى پد باستىعىنىڭ ورىنباسارى، پوليتسيا پولكوۆنيگى قاپەز داۋلەتباەۆ.

قىزىلجار

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار