ايماقتار • 05 ماۋسىم، 2020

بەينەكامەرالار پوليتسەيلەردىڭ سەنىمدى سەرىگى

12 رەت كورسەتىلدى

جىل باسىنان بەرى قىزىلجاردا بەينەكامەرالاردىڭ كومەگىمەن 82 قىلمىس اشىلدى. 

«قالانىڭ اۋماعىندا بارلىعى 410 كامەرا جۇمىس ىستەيدى. جىل باسىنان بەرى بەينەباقىلاۋ كامەرالارى 3675 جول قوزعالىسى قاعيدالارىن بۇزۋ مەن 1824 وزگە دە اكىمشىلىك قۇقىق بۇزۋشىلىقتاردى انىقتاۋعا سەپتىگىن تيگىزدى. نەگىزىنەن بۇل فاكتىلەر الكوگولدىك ىشىمدىكتەردى ءىشۋ نەمەسە ماساڭ كۇيدە قوعامدىق ورىندارعا كەلۋ سياقتى ۇساق بۇزاقىلىق. ال 82 جاعدايدا قىلمىس اشىلدى»، - دەيدى پەتروپاۆل قالاسى پب جەدەل باسقارۋ ورتالىعىنىڭ باستىعى، پوليتسيا پودپولكوۆنيگى نۇرلان مۇحامەتجانوۆ. مىسال ءۇشىن ول 11 مامىردا كەشكىسىن مەدۆەدەۆ كوشەسىندەگى ءۇيدىڭ اۋلاسىنان ۇرلانعان «Volkswagen Passat» اۆتوكولىگى تۋرالى ايتتى. كولىكتى ايداپ اكەتكەن بىرلەسىپ سپىرتتىك ىشىمدىك ىشكەن جابىرلەنۋشىنىڭ 31 جاستاعى تانىسى ەكەندىگى بەلگىلى بولدى. اتالعان فاكتى قىلمىستىق كودەكستىڭ «كولiك قۇرالىن قۇقىققا سىيىمسىز يەلەنىپ الۋ» بابى بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلگەن. قازىر اۆتوموبيل يەسىنە قايتارىلىپ، ال كۇدىكتى كولىك قۇرالىن ماساڭ كۇيدە جۇرگىزگەنى ءۇشىن وزىنە تاعايىندالعان 20 تاۋلىك اكىمشىلىك قاماۋعا الۋ جازاسىن وتەپ شىقتى.

سونىمەن قاتار بەينەباقىلاۋ كامەرالارى 39 ۇرلىق پەن 14 بۇزاقىلىقتى اشۋعا كومەگىن تيگىزگەن.

پاترۋلدىك پوليتسەيلەردىڭ بەينەجەتوندارى پوليتسەيلەر مەن ازاماتتاردى عانا ءتۇسىرىپ قويمايدى، سونداي-اق ولار قۇقىق بۇزۋشىلىقتى رەسىمدەۋ كەزىندە ايعاق بولىپ تابىلادى. 14 پاترۋلدىك اۆتوموبيلدە ءبىر مەزگىلدە 360 گرادۋستى تۇسىرەتىن كامەرالار ورناتىلعان. جازىلعان جازبالاردىڭ ءبىرى 18 مامىر كۇنى جول قوزعالىسى ەرەجەسىن ورەسكەل بۇزۋعا جول بەرگەن جۇرگىزۋشىنى جاۋاپقا تارتۋعا نەگىز بولدى.

قىزىلجار

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار