ەكونوميكا • 05 ماۋسىم، 2020

قازاقستان كاسىپكەرلەرىنىڭ قۇقىقتارىن قورعايتىن ۋاكىل ۇكىمەتكە ۇسىنىستار جولدادى

75 رەت كورسەتىلدى

بۇگىن قازاقستان كاسىپكەرلەرىنىڭ قۇقىقتارىن قورعاۋ جونىندەگى ۋاكىل رۇستەم ء جۇرسىنوۆ  ەكونوميكالىق ءوسىمدى قالپىنا كەلتىرۋ جونىندەگى مەملەكەتتىك كوميسسيانىڭ ءبىرىنشى وتىرىسىنا بەينەكونفەرەنتسيالىق بايلانىس ارقىلى قاتىسىپ، بيزنەستى جاقسارتۋعا ىقپالىن تيگىزەتىن 3 ۇسىنىس ەنگىزدى. 

ر. ء جۇرسىنوۆتىڭ ايتۋىنشا، ۇسىنىستار ۇكىمەتتە قارالىپ جاتىر. ونىڭ العاشقىسى –  «اقىلدى رەتتەۋ». «شىن مانىندە، بۇل ەسەپ بەرۋدى جانە بيزنەسكە قويىلاتىن تالاپتاردى وڭتايلاندىرۋ، تاۋەكەلدەردى باسقارۋدىڭ دۇرىس جۇيەسىن قۇرۋ بويىنشا ناقتى رەفورمالار جۇرگىزۋ ءۇشىن «مۇمكىندىكتەر تەرەزەسى»  بولماق. جارتى جىل ءوتتى، ازىرگە ناتيجە جوق. دۇنيەجۇزىلىك بانكپەن جاسالعان كەلىسىم بويىنشا وسى تاپسىرمانىڭ تەك تەحنيكالىق بولىگىن ازىرلەۋدىڭ ءوزى 1 جىل ۋاقىتتى تالاپ ەتەدى. مۇنداي جۇمىس ءۇشىن ءبىر جىل مەرزىم تىم ۇزاق. بۇل ۇدەرىستى جەدەلدەتىپ، رەفورمانىڭ ءوزىن ىسكە اسىرۋدى اعىمداعى جىلدىڭ سوڭىنا دەيىن اياقتاۋ قاجەت»، دەيدى رۇستەم ءجۇرسىنوۆ.

ال ەكىنشى ۇسىنىس –  شاعىن بيزنەسكە سالىق سالۋدى جەتىلدىرۋ. قولدانىستاعى سالىق سالۋ جۇيەسى شاعىن بيزنەس سۋبەكتىلەرى ءۇشىن جانە ءوزىن-ءوزى جۇمىسپەن قامتۋشىلار ءۇشىن تىم كۇردەلى جانە تۇسىنىكسىز.  كاسىپكەر مەملەكەتكە قانشا قارجى تولەۋى ءتيىس ەكەنىن ناقتى تۇسىنەتىندەي جۇيە قاجەت، سونداي-اق كاسىپكەردىڭ جۇمسالاتىن ۋاقىتى مەن كۇش-جىگەرى دە ۇنەمدەلۋى ءتيىس. «سالىق تولەۋ پروتسەسى بارىنشا ەلەۋسىز، كوزگە كورىنبەيتىندەي بولۋى ءتيىس. ءتيىستى سەرۆيستىك پلاتفورمانى قۇرمايىنشا مۇنى ىسكە اسىرۋ قيىنعا تۇسپەك.

سالىق دەمالىسى ۇسىنىلعان ۋاقىتتى پايدالانىپ، شوب ءۇشىن بارلىق سالىق رەجيمدەرىن كەشەندى تۇردە قايتا جازىپ شىعۋ كەرەك. بۇل رەتتە باستى نازار بيزنەستىڭ ىرىلەنۋى مەن دەڭگەيىنىڭ وسۋىنە اۋدارىلۋى ءتيىس» دەيدى ول ەكىنشى ۇسىنىسى تۋرالى ويىن قورتىندىلاپ. ال سوڭعى ءۇشىنشى ۇسىنىس – ەكونوميكاداعى مەملەكەتتىڭ ۇلەسىن تومەندەتۋ. كوممۋنالدىق مەنشىكتە 5،6 مىڭ مەملەكەتتىك كاسىپورىن، اق، جشس بار، ونىڭ 85%-ى الەۋمەتتىك سالادا.

800-دەن استام سۋبەكت نەمەسە 15%-ى الەۋمەتتىك ەمەس كاسىپكەرلىك قىزمەتپەن اينالىسادى. «وتكەن جىلى ۇكپ مەملەكەتتىك ورگاندارمەن بىرلەسىپ، مەملەكەتتىڭ كاسىپكەرلىك قىزمەتكە قاتىسۋىن قىسقارتۋ جانە مەملەكەتتىك شىعىنداردى وڭتايلاندىرۋ بويىنشا ۇلكەن جۇمىس جۇرگىزدى. مونوپولياعا قارسى ورگانمەن بىرلەسىپ، 132 تاۋار نارىعىنا جۇرگىزىلگەن تالداۋ نەگىزىندە مەملەكەتتىك كومپانيالار ءۇشىن رۇقسات ەتىلگەن قىزمەت تۇرلەرىنىڭ تىزبەسى 347-دەن 240-قا (30،8%) دەيىن قىسقارتىلدى. بۇدان باسقا جەكەشەلەندىرىلەتىن نىسانداردىڭ تىزبەسىن وزەكتەندىرۋ قورىتىندىسى بويىنشا ۇەم-مەن بىرلەسىپ، رەسپۋبليكالىق مەنشىكتىڭ 35 نىسانىن جەكەمەنشىككە بەرۋ جونىندە ۇسىنىستار ازىرلەندى» دەيدى ر. ءجۇرسىنوۆ.

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار