ايماقتار • 05 ماۋسىم، 2020

شىمكەنتتە دالا ءورتىنىڭ الدىن الۋ شارالارى بەلسەندى جۇرگىزىلىپ جاتىر

22 رەت كورسەتىلدى

شىمكەنت قالاسى اۋماعىندا جىل باسىنان بەرى ورمان جانە دالا ورتتەرى تىركەلمەگەن. بۇل تۋرالى اقپاراتتىق-كوممۋنيكاتسيا ورتالىعىندا قالالىق توتەنشە جاعدايلار دەپارتامەنتىنىڭ باستىعى، ازاماتتىق قورعاۋ پولكوۆنيگى ن.دەربىسوۆتىڭ قاتىسۋىمەن قالا اۋماعىنداعى ورمان-دالا ورتتەرىنىڭ الدىن الۋ جانە دەر كەزىندە ءورت ءسوندىرۋ ءىس-قيمىلدارىن جاساۋ بويىنشا وتكەن ءباسپاسوز بريفينگىندە ايتىلدى.

بريفينگتە دەپارتامەنت باسشىسى اتقارىلىپ جاتقان شارالارعا توقتالىپ، ورمان جانە دالا ءورتىنىڭ الدىن الۋ باعىتىنداعى جۇمىستار جايىندا جان-جاقتى اقپارات بەردى.

بۇگىنگى كۇنى شىمكەنت اۋماعىندا قالا اكىمدىگىنە قاراستى «جاسىل بەلدەۋ» جانە تۇركىستان وبلىسى اكىمدىگىنە قاراستى «بادام» ورمان شارۋاشىلىعى ورنالاسقان. بۇل ورمان قورى جەرىنىڭ جالپى اۋدانى 5 مىڭ 702 گا قۇرايدى («جاسىل بەلدەۋ» جالپى اۋدانى 1 مىڭ 372 گا، ونىڭ ىشىندە ورمان كومكەرىلگەن ايماعى 176 گا جانە «بادام» جالپى اۋدانى 4 مىڭ 330 گا، ونىڭ ىشىندە ورمان كومكەرىلگەن ايماعى 2 مىڭ 748 گا). ونىڭ ىشىندە، ورماندى القابى 2924 گا، ورمانسىز القابى 2778 گا).

– ورمان جانە دالا ورتتەرىن الدىن الۋ ماقساتىندا اعىمداعى جىلدىڭ ءساۋىر-مامىر ايلارىندا قالا اۋماعىندا جالپى رەسپۋبليكالىق ماڭىزى بار اۆتوموبيل جولدارىنىڭ بويىندا 65 شاقىرىم، جەرگىلىكتى اۆتوموبيل جولدارىنىڭ بويلارىندا 315،2 شاقىرىم، ورمان قورى جەرلەرىندە 406 شاقىرىم جانە ەگىستىك القاپتارىندا 400 شاقىرىم ورتكە قارسى مينەرالدى جولاق جىرتۋ جۇمىستارىنىڭ 1-كەزەڭى وتكىزىلدى، - دەدى ن.دەربىسوۆ.

دەپارتامەنت باسشىسىنىڭ ايتۋىنشا، ورمان-دالا ورتتەرىن دەر كەزىندە ءسوندىرۋ ماقساتىندا اۋدان اكىمدىكتەرى ءتيىستى ەلدى مەكەندەردە جالپى 527 ادامنان تۇراتىن 52 ەرىكتى ءورت ءسوندىرۋ قۇرىلىمدارى قۇرىلعان. ولار 94 بەيىمدەلگەن قوسالقى تەحنيكالارمەن، 22 ءورت ءسوندىرۋ موتوپومپالارمەن جانە قولدا بار ءورت ءسوندىرۋ قۇرالدارىمەن (527 حلوپۋشكا) جابدىقتالعان.

سونداي-اق ءتورت اۋداننىڭ اكىمدىكتەرى شارۋا قوجالىقتارىمەن كەلىسىپ، قالا اۋماعىندا ورمان جانە دالا ورتتەرى ورىن العان جاعدايدا دەر كەزىندە ءسوندىرۋ ءۇشىن، ءبىر سوقالى تراكتورمەن بىرگە 3 توننا سۋى بار تىركەمەلى بوشكەلەرمەن جالپى 4 ۋاقىتشا باقىلايتىن ءورت ءسوندىرۋ بەكەتتەرى قۇرىلعان.

بريفينگ سوڭىندا ن.دەربىسوۆ بارلىق شارۋاقوجالىقتارى مەن قالا تۇرعىندارىن ورمان جانە القاپتاردا ءورت قاۋىپسىزدىگى ەرەجەلەرىن ساقتاۋعا شاقىردى.

سوڭعى جاڭالىقتار

الىس اۋىلدارعا ينتەرنەت جەتتى

تەحنولوگيا • بۇگىن، 06:45

NASA مارسكا قامداندى

تەحنولوگيا • كەشە

ۇقساس جاڭالىقتار