ايماقتار • 05 ماۋسىم، 2020

شىمكەنتتىك 3000-عا جۋىق ەرىكتى قايىرىمدىلىق جاساپ ءجۇر

7 رەت كورسەتىلدى

بۇگىن اقپاراتتىق-كوممۋنيكاتسيالىق ورتالىعىندا شىمكەنت قالاسى وتباسى، بالالار جانە جاستار ىستەرى جونىندەگى باسقارماسىنىڭ باسشىسى جاندوس قالتاەۆتىڭ قاتىسۋىمەن 2020 جىل «ەرىكتىلەر جىلى» اياسىندا اتقارىلعان جۇمىستار مەن جوسپارلار بويىنشا بريفينگ ءوتتى.

بريفينگتە باسقارما باسشىسى، ەڭ الدىمەن، ەرىكتىلەر جىلىنا بايلانىستى قالا جاستارىنىڭ ازاماتتىق بەلسەندىلىگىن دامىتۋعا جاڭا سەرپىن بەرەتىن ءىس-شارالار جوسپارى ازىرلەنگەنىن جەتكىزدى. 
 
اتاپ ايتساق – «بىرگەمىز» جالپىۇلتتىق جوباسى، بالالار ۇيلەرىنىڭ تاربيەلەنۋشىلەرىنە «تالىمگەر» جوباسى، «شىمكەنت – قايىرىمدى قالا» جوباسى، «جاسىل جانە تازا قالا» جوباسى، «شىمكەنت – تمد ەلدەرىنىڭ مادەني استاناسى»، «ىزگىلىكتە جارىسايىق» جوباسى جانە «مەيىرىم» جوبالارى. 
 
ج.تولەمبەك ۇلىنىڭ سوزىنە سۇيەنسەك، بۇگىندە شىمكەنت قالاسىندا 20-دان استام قوعامدىق ۇيىمدار ەرىكتىلىكپەن بەلسەندى اينالىسادى. ال ەرىكتىلەر سانى – 3000-عا جۋىق. 
 
«حالىقتىڭ ءارتۇرلى جاس توپتارىن ەرىكتىلىك قىزمەتكە تارتۋ قاجەتتىلىگىن ەسكەرە وتىرىپ، ەرىكتىلەردى قولداۋ ماقساتىندا شىمكەنت قالاسى «جاستار رەسۋرستىق ورتالىعىنىڭ» قولداۋىمەن «شىمكەنت ۆولونتەرلار قاۋىمداستىعى» قۇرىلدى. «جاريا»، «مەيىرىم»، «دوبرياكي شىمكەنتا»، «ۆولونتەر شىمكەنت»، «ASSA»، «ىزگىلىكتە جارىسايىق»، «بلاگو داريۋ»، «Lider.kz»، «جاستار قۋاتى» 9 ۆولونتەرلىق ۇيىم – قاۋىمداستىقتىڭ قۇرىلتايشىلارى. ال ەرىكتىلەرمەن جوبالاردى ۇيلەستىرۋ ماقساتىندا جاستار رەسۋرستىق ورتالىعى جانىنان «ۆولونتەرلەرمەن جۇمىس جۇرگىزۋ» ءبولىمى اشىلدى»، – دەدى ج.قالتاەۆ.
 
بۇل رەتتە باسقارما باسشىسى ەلىمىزدەگى كارانتيندىك جاعدايعا بايلانىستى جول كارتاسىندا قاراستىرىلعان كەيبىر ءىس-شارالاردى ۇيىمداستىرىپ وتكىزۋ مۇمكىندىگى بولماي جاتقانىن اتاپ ءوتتى. سول سەبەپتى ۆولونتەرلىق جۇمىستار توتەنشە جاعداي كەزەڭىندەگى شارالارمەن ۇلاسقان.   
 
توقتالىپ وتسەك، اقپاراتتىق-ناسيحاتتاۋ جۇمىستارى مەن قايىرىمدىلىق شارالارى جۇرگىزىلگەن. ياعني، ىندەتتىڭ تارالۋىن الدىن الۋ ماقساتىندا الەۋمەتتىك 8 بەينەروليكتەر جانە 20 ءتۇرلى ەلەكتروندى فلاەرلەر دايىندالىپ، الەۋمەتتىك جەلىلەرگە سالىنعان. ال قايىرىمدىلىق بارىسىندا 7 245 از قامتاماسىز ەتىلگەن وتباسىعا ازىق-ت ۇلىك، 333 وتباسىعا ءدارى-دارمەك جانە 1 ميلليوننان استام بەتپەردە مەن انتيسەپتيك تاراتىلعان.
 
وسى ورايدا جاستاردىڭ كارانتين ۋاقىتىندا پايدالى كىتاپ وقۋ مادەنيەتىن قالىپتاستىرۋ ماقساتىندا «ۇيدە بىرگە وقيمىز» چەللەندجى باستالىپ، 3 كىتاپ وقۋ تالابى قويىلعان. ءبىر ايعا جالعاسقان بۇل چەللەندجدە 3000 جاس 9000 كىتاپ وقىپ، ارنايى جەڭىمپازدار انىقتالعان. اتالعان جالعاستىرۋ ءۇردىسىنىڭ پايداسىن جاندوس قالتاەۆ: «كىتاپتى 21 كۇن وقىسا، ادەتكە اينالادى» دەپ، دايەكتى مىسالمەن كەلتىردى. 
 
ودان بولەك، ج.تولەمبەك ۇلى اتقارىلىپ جاتقان جۇمىستارى مەن جوسپارلارى جونىندە دە ءسوز قوزعاپ ءوتتى. ال بريفينگ سوڭىندا باق وكىلدەرى تاراپىنان قويىلعان سۇراقتارعا جان-جاقتى جاۋاپ بەردى.
 
سوڭعى جاڭالىقتار

ۇزدىك اتاندى

وقيعا • بۇگىن، 07:08

سىر قامىسىنا سىرتتان سۇرانىس بار

ەكونوميكا • بۇگىن، 07:00

بايىتۋ فابريكاسى بوي كوتەرەدى

تەحنولوگيا • بۇگىن، 06:58

سىرتقى ساۋدا قاشان ارتادى؟

ەكونوميكا • بۇگىن، 06:56

«بىلەۋلى» ءھام «اناعا تاعزىم»

رۋحانيات • بۇگىن، 06:54

كارانتين فينتەحتى دامىتادى

تەحنولوگيا • بۇگىن، 06:50

الىس اۋىلدارعا ينتەرنەت جەتتى

تەحنولوگيا • بۇگىن، 06:45

الاش ازا تۇتقان كۇن

ساياسات • بۇگىن، 06:35

NASA مارسكا قامداندى

تەحنولوگيا • كەشە

ۇقساس جاڭالىقتار