ايماقتار • 05 ماۋسىم، 2020

شىمكەنتتە 500-گە جۋىق ەرىكتى قوعامدىق كولىكتە تەگىن جۇرەدى

21 رەت كورسەتىلدى

بۇل تۋرالى بۇگىن اقپاراتتىق-كوممۋنيكاتسيالىق ورتالىعىندا وتكەن بريفينگتە شىمكەنت قالاسى وتباسى، بالالار جانە جاستار ىستەرى جونىندەگى باسقارماسىنىڭ باسشىسى جاندوس قالتاەۆ ايتتى.

«الداعى ۋاقىتتا 500-گە جۋىق ەرىكتى قالاداعى قوعامدىق كولىكتەردە تەگىن جۇرەدى. وعان قوسا شىمكەنت قالاسىنىڭ ۇزدىك ەرىكتىلەرى مەن ۇيىمدارى جىل قورىتىندىسىندا ارنايى العىس حاتتار جانە باعالى سىيلىقتارمەن ماراپاتتالادى»، – دەدى باسقارما باسشىسى.
 
وسى ورايدا ج.تولەمبەك ۇلى اتقارىلىپ جاتقان جۇمىستار جايلى تىلگە تيەك ەتتى.
 
«ەرىكتىلەرمەن بىرلەسە وتىرىپ، «بىرگەمىز Sabaqtastyq» باعىتىندا №4، №3 بالالار ءۇيىنىڭ تاربيەلەنۋشىلەرىنە «تالىمگەر جوباسى» جۇزەگە اسىرىلۋدا. بۇل رەتتە ستاتيستيكاعا سۇيەنسەك، ماسەلەن، بۇل جوباعا 1700 ادام قاتىسسا، ونىڭ 125-ءى عانا وتەدى ەكەن. ياعني، كوبىسى بالالارمەن تالىمگەرلىك تۇرعىسىندا جۇمىس ىستەۋگە دايىن ەمەس دەگەن ءسوز»، – ول.
 
ءباسپاسوز ماجىلىسىندە «ىزگىلىككە جارىسايىق» قايىرىمدىلىق قورىنىڭ مەنەدجەرى مۇحتار تاشيموۆ الەۋمەتتىك دۇكەن جايلى اڭگىمە ءوربىتتى. سپيكەردىڭ سوزىنە سۇيەنسەك، كومەككە مۇقتاج وتباسىلارعا كيىم تاراتۋدىڭ جاڭا فورماتى ەنگىزىلگەن. 
 
«كيىمگە مۇقتاج كىسىلەر الەۋمەتتىك دۇكەنگە كەلىپ، سۋپەرماركەتتەن الىپ جاتقانداي كيىنە الادى. ياعني، ءبىزدىڭ جوسپار – مۇقتاجدىق اتموسفەراسىن ساناسىنان شىعارۋ. وسى ماقساتپەن 80 600 كيىم تاراتىلدى»، – دەدى مۇقتار سماعۇل ۇلى.
 
بريفينگ سوڭىندا باق وكىلدەرى تاراپىنان قويىلعان سۇراقتارعا جان-جاقتى جاۋاپ بەرىلدى.
سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار