ازاماتتار مامىر ايىندا حقو-لار اشىلعاننان كەيىن كوبىنە جەكە كۋالىك پەن پاسپورت الۋ ءۇشىن جۇگىنگەن. الدىن الا ەسەپتەۋلەر بويىنشا 155 مىڭنان استام ازامات جەكە باسىن كۋالاندىراتىن قۇجاتىن جاڭارتقان. ونىڭ ىشىندە 9298 ادام الماتى حقو-لارىنان العان.
ەكىنشى ورىندا اۆتوكولىكتى قايتا تىركەۋ قىزمەتى. مامىردا اۆتوموبيل يەلەرى قازاقستاننىڭ مامانداندىرىلعان حقو-لارىندا 118 مىڭنان استام كولىكتى قايتا تىركەگەن, ونىڭ 13 363-ءى الماتى قالاسىنىڭ ۇلەسىندە.
حقو-لاردىڭ اشىلۋىن جىلجىمايتىن م ۇلىك يەلەرى دە كۇتتى. ازاماتتار جىلجىمايتىن م ۇلىككە قۇقىقتاردى (اۋىرتپالىقتاردى) مەملەكەتتىك تىركەۋ قىزمەتى ءۇشىن حقو-عا 56 مىڭنان استام رەت جۇگىنگەن, ونىڭ 2402-ءى الماتى قالاسىندا.
ءتورتىنشى ورىندا جۇرگىزۋشى كۋالىكتەرىن اۋىستىرۋ جانە بەرۋ قىزمەتى. مامىر ايىندا 30 مىڭعا جۋىق قۇجات راسىمدەلگەن, ونىڭ 3310-ءى الماتىنىڭ ۇلەسىندە.
كارانتيننەن كەيىنگى سۇرانىسقا يە بەسىنشى قىزمەت – الەۋمەتتىك قاۋىپ-قاتەر جاعدايىندا الەۋمەتتىك جاردەماقىلار تاعايىنداۋ قىزمەتى. بۇل نەگىزىنەن جۇكتىلىك جانە بوسانۋعا بايلانىستى بەرىلەتىن تولەمدەر. ونى 20 مىڭنان استام جۇكتى ايەل العان, ونىڭ ىشىندە الماتى قالاسىندا 1391 انا تولەمىن راسىمدەپ الدى.
ازاماتتارعا ارنالعان ۇكىمەتتىڭ الدىن الا مالىمەتتەرى بويىنشا مامىر ايىندا حقو ارقىلى 645 مىڭنان استام مەملەكەتتىك قىزمەت الىنعان. بۇل جەردە حقو-لاردىڭ ءار ۋاقىتتا اشىلعانىن ەسكەرۋ كەرەك. ماسەلەن, قاراعاندى وبلىسىنىڭ حالىققا قىزمەت كورسەتۋ ورتالىقتارى 4 مامىردا, ال الماتىداعى حقو-لار ءوز جۇمىسىن 25 مامىردا باستادى. سودان بەرى الماتى قالاسىندا 23 686 قىزمەت كورسەتىلدى.
ەستەرىڭىزگە سالا كەتەيىك, توتەنشە جاعداي رەجيمى الىنىپ تاستالعاننان كەيىن حقو عيماراتتارىندا ازاماتتاردىڭ جينالۋىن جانە قىزمەت الۋشىلاردىڭ ۆيرۋستى جۇقتىرۋ جايدايلارىن بولدىرماۋ ءۇشىن حقو-لار egov.kz پورتالىندا قولجەتىمسىز جانە تەك الدىن الا برونداۋ ارقىلى «قاعاز» جۇزىندە كورسەتىلەتىن قىزمەتتەردى (106 مەملەكەتتىك قىزمەت) عانا ۇسىنادى. حقو-عا كەزەكتى ەgov.kz پورتالى, eGovKzBot2.0 تەلەگرام-بوتى نەمەسە 1414 بايلانىس ورتالىعىنا قوڭىراۋ شالۋ ارقىلى برونداۋعا بولادى.
