اۋدان باسشىسى ەلدى مەكەنگە كوگىلدىر وتىننىڭ كەلۋ تۇرعىندارى ءۇشىن وتە ماڭىزدى ەكەنىن جەتكىزدى.
– بۇل ۇلكەن مەرەكە. ويتكەنى, وسى قۋانىشتى ءساتتى تالاي جىلدار اسىعا كۇتتىڭىزدەر. مىنە, سول ارماندارىڭىز ورىندالىپ وتىر. ەندى از عانا ۋاقىتتان كەيىن قۇرىلىس جۇمىستارى اياقتالىپ, كوگىلدىر وتىندى پايدالاناتىن كۇن الىس ەمەس. جوبانىڭ جۇزەگە اسۋىنا «جۇمىسپەن قامتۋدىڭ 2020-2021 جىلدارعا ارنالعان جول كارتاسى» مەملەكەتتىك باعدارلاماسىنىڭ ىقپالى زور. اۋىلدارىڭىزدا اتالعان باعدارلاما ارقىلى تاعى دا 7 كوشەگە اسفالت توسەلىپ, بالاباقشاعا جوندەۋ جۇمىستارى جۇرگىزىلەدى. سونداي-اق, اۋىلدى اياق سۋمەن قامتاماسىز ەتەتىن «اقارىق» كانالىنىڭ ارناسى تازالانادى, – دەدى مۇرات ەرگەشباەۆ.
اۋىلداعى اۋقىمدى ءىستىڭ باستالۋىنا ۇيىتقى بولعان جەرگىلىكتى بيلىك وكىلدەرىنە اۋىلدىق ارداگەرلەر كەڭەسىنىڭ توراعاسى بۋراباي راحمەتوۆ العىس ايتىپ, ريزاشىلىق ءبىلدىردى.
قازالى اۋدانىندا «جۇمىسپەن قامتۋدىڭ 2020-2021 جىلدارعا ارنالعان جول كارتاسى» مەملەكەتتىك باعدارلاماسى اياسىندا 3 ملردتان استام قارجىعا 42 جوبا جۇزەگە اسۋدا. ونىڭ ىشىندە ع.مۇراتباەۆ اۋىلىنداعى 4 جوباعا 500 ميلليوننان استام تەڭگە بولىنگەن.
