ەلىمىزدىڭ مارتەبەسىن ايقىندايتىن باستى قۇندىلىقتارىمىز مەملەكەتتىك رامىزدەر كۇنى مەرەكەسىندە سىزدەردىڭ قۋانىشتارىڭىزدى بولىسكەلى تۇرمىز. سوڭعى 3 جىلدا «نۇرلى جەر» تۇرعىن ءۇي قۇرىلىسى مەملەكەتتىك باعدارلاماسى اياسىندا وبلىس بويىنشا تۇرعىن ۇيلەردىڭ قۇرىلىسىنا 45,4 ملرد تەڭگە ءبولىندى. ناتيجەسىندە 398 مىڭ شارشى مەتردى قۇرايتىن 141 كوپقاباتتى تۇرعىن ءۇي پايدالانۋعا بەرىلدى. دەمەك, سوڭعى 3 جىلدا 5 مىڭعا جۋىق وتباسى جاڭا پاتەرگە يە بولدى. 20 مىڭنان استام تۇرعىن باسپانامەن قامتاماسىز ەتىلدى. بيىلدىڭ وزىندە وڭىرىمىزدە 1 186 پاتەردى قۇرايتىن 81 تۇرعىن ءۇيدىڭ قۇرىلىسى جۇرگىزىلۋدە. بۇگىن مىنە, سول جاعالاۋدا جاڭا تۇرعىن ءۇيدى پايدالانۋعا بەرەمىز. قونىستارىڭىز قۇتتى بولسىن!, - دەدى ءوڭىر باسشىسى.
وبلىس اكىمى قونىس تويىن تويلاپ جاتقان وتەپوۆتەر اۋلەتىنىڭ شاڭىراعىندا بولدى. «التىن القا» يەگەرى الماگۇل وتەپوۆا گۇلشارا ابدىقالىقوۆاعا تۇرعىندار اتىنان العىس ءبىلدىردى.
شارا سوڭىندا قىزىلوردا قالاسىنىڭ قۇرمەتتى ازاماتى, ەڭبەك ارداگەرى جارىلقاسىن ءشارىپوۆ جيىلعان جۇرتقا باتا بەردى.
سوڭعى 3 جىلدا پايدالانۋعا بەرىلگەن 141 كوپقاباتتى تۇرعىن ءۇيدىڭ جاڭا قالاداعى ۇلەسى 620 پاتەرلىك 13 كوپقاباتتى ارەندالىق باسپانا. سونداي-اق, نەسيە باعدارلاماسى بويىنشا 240 پاتەرى بار 4 كوپقاباتتى تۇرعىن ءۇي تاپسىرىلعان. ال, جەكە قۇرىلىس كومپانيالارىنىڭ ەسەبىنەن 604 پاتەرلى 14 كوپقاباتتى تۇرعىن ءۇي ەل يگىلىگىنە پايدالانۋعا بەرىلدى.
جىل سوڭىنا دەيىن 680 پاتەرلىك ارەندالىق 14 كوپقاباتتى ءۇيدىڭ جانە نەسيە باعدارلاماسى بويىنشا 590 پاتەرى بار 13 تۇرعىن ءۇيدىڭ قۇرىلىسى اياقتالادى دەپ جوسپارلانىپ وتىر. جەكە ينۆەستورلار قاراجاتىنا 86 پاتەرلىك 2 كوپقاباتتى تۇرعىن ءۇيدىڭ قۇرىلىسى جۇرگىزىلۋدە.
