مەملەكەتتىك كىرىستەر دەپارتامەنتىنىڭ باسشىسى توتەنشە جاعداي كەزىندە بيزنەسكە قولداۋ كورسەتۋ ماقساتىندا قابىلدانعان ۇكىمەت قاۋلىلارىن نەگىزگە الىنا وتىرىپ, وبلىس كولەمىندە سالىقتار مەن تولەمدەر بويىنشا بيزنەس-سۋبەكتىلەرىنە 6,5 ملرد تەڭگە شاماسىنا جەڭىلدىك بەرىلگەندىگىن جەتكىزدى.
عالىمجان ورىنوۆتىڭ ايتۋىنشا, وسى جىلدىڭ 20 ناۋرىزىنان باستاپ 31 جەلتوقسانعا دەيىن وڭىردە الاڭى 2000 شارشى مەتردەن كەم ەمەس 29 ءىرى ساۋدا نىسانى, 3 ويىن-ساۋىق ورتالىعى, 2 تەاتر, 2 كورمە زالى, 8 سپورت قۇرىلىس جايى م ۇلىككە سالىناتىن سالىقتان بوساتىلعان. وسى ۋاقىت ارالىعىندا اۋىلشارۋاشىلىق ءونىمىن ءوندىرۋشى 37 كومپانيا جەر سالىعىنان بوساتىلىپ وتىر.
جەڭىلدىكتەر تالابىنا سايكەس وسى جىلدىڭ 1 ساۋىرىنەن 1 قازانعا دەيىن ايماقتاعى اۋەجاي تەرمينالى, جەكە پراكتيكامەن اينالىساتىن 20 ادام, قوعامدىق تاماقتاندىرۋمەن اينالىساتىن 201, قوناق ءۇي قىزمەتى سالاسىنداعى 43 كاسىپكەر م ۇلىك سالىعىن تولەمەيدى.
وبلىستىق مەملەكەتتىك كىرىستەر دەپارتامەنتىنىڭ باسشىسى مۇنىمەن قوسا, 8427 شاعىن جانە ورتا بيزنەس وكىلدەرى ەڭبەكاقى تولەۋ قورىنان ۇستالاتىن سالىقتان, الەۋمەتتىك تولەمدەرگە قاتىستى جەڭىلدىكتەر قولدانۋ ارقىلى بوساتىلعاندىعىن جەتكىزدى. ناتيجەسىندە جوعارىدا اتالعان شاعىن جانە ورتا بيزنەس وكىلدەرى ەڭبەكاقى تولەۋ قورىنان ۇستالاتىن سالىقتان 1 ملرد 79 ملن تەڭگە, الەۋمەتتىك تولەمدەردەن 1 ملرد 853 ملن تەڭگە, 7 ءىرى كاسىپكەرلىك سۋبەكتىسى ەڭبەكاقىدان ۇستالاتىن سالىقتان 8,1 ملن, الەۋمەتتىك تولەمدەردەن 103,3 ملن تەڭگە قارجىسىن ۇنەمدەپ وتىر ەكەن.
