ايماقتار • 03 ماۋسىم، 2020

جۇمىس ساپاسىن باقىلاۋ كۇشەيەدى

12 رەت كورسەتىلدى

قىزىلوردا وبلىسى قارماقشى اۋدانىنىڭ اكىمى مۇسا قالداربەكوۆ جوسالى كەنتىندەگى «ماڭگىلىك ەل» مەن «قازاق ەلى» كومپوزيتسيالىق مونۋمەنت كەشەندەرىندەگى جۇرگىزىلىپ جاتقان جوندەۋ جۇمىستارىمەن تانىستى. مەردىگەرمەن كەزدەسۋدە جۇمىستىڭ كەمشىن تۇستارى ايتىلىپ، ولاردى تەز ارادا جويۋ تاپسىرىلدى.

جۇمىس ساپاسىنا بارىنشا كوڭىل ءبولۋ قاجەت. كوزبوياۋشىلىقتى قوياتىن كەز الدەقاشان جەتت. وسى رەتتە اۋداندا جۇرگىزىلىپ جاتقان قۇرىلىس نىساندارىنىڭ ساپاسى Nur Otan پارتياسىنىڭ فيليالى جانىنداعى  پارتيالىق باقىلاۋ كوميسسيالارىنىڭ دا نازارىندا بولۋى كەرەك دەپ ەسەپتەيمىن.  وسى جىلى «جۇمىسپەن قامتۋدىڭ جول كارتاسى» باعدارلاماسى اياسىندا كوشەلەردى جوندەلىپ، جارىقتاندىرىلادى. جەرگىلىكتى تۇرعىنداردى جۇمىسپەن قامتۋدى كوزدەيتىن باعدارلامادا جوسپارلانعان جۇمىستاردىڭ ساپالى جۇرگىزىلۋى ماڭىزدى.  جوبا اياسىنداعى اتقارىلاتىن جۇمىستار تۇرعىندار سۇرانىسىنا ساي بولۋى كەرەك، – دەدى اۋدان باسشىسى.   

بۇگىنگى كۇنى باعدارلاما اياسىندا 40 جوبا جۇزەگە اسىرىلۋدا. اۋدانداعى 6 الەۋمەتتىك نىسان، 6 كوشەگە ورتاشا جوندەۋ جۇمىستارى ءجۇرىپ، 4 كوشەگە جاياۋ جۇرگىنشىلەر جولى سالىنادى. ون ءتورت كوشەگە جارىق تارتىلىپ، 3 نىسان اباتتاندىرىلادى. جوسالى كەنتى مەن تورەتام كەنتىنە سپورتتىق ترەناجەرلىق جانە ستريتبولدىق الاڭدار قۇرىلىسى باستالادى. 

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار