ايماقتار • 03 ماۋسىم، 2020

قىزىلوردادا 1881 تۇلەك مەكتەپ ءبىتىردى

257 رەت كورسەتىلدى

قىزىلوردا قالاسىنىڭ اكىمى نۇرلىبەك نالىباەۆ   «التىن بەلگى» مەن «ۇزدىك اتتەستات» يەگەرلەرىن جانە بارشا تۇلەكتەردى «ZOOM» باعدارلاماسى ارقىلى ونلاين قۇتتىقتادى. بۇل تۋرالى قالا اكىمىنىڭ ءباسپاسوز قىزمەتى حابارلادى.

تۇلەكتەرىمىزدىڭ جوعارى ناتيجەگە قول جەتكىزىپ، ۇزدىكتەر ساپىنان كورىنۋىندە ۋاقىتپەن ساناسپاي قىزمەت جاساعان مەكتەپ باسشىلارى مەن ۇستازدارىمىزدىڭ ەڭبەگى ايرىقشا. ۇستازدارىمىز وسى جولدا قانشاما تەر توكتى. سوندىقتان، مەن وسى كەزدەسۋدى پايدالانا وتىرىپ بارشا ۇستازدار قاۋىمىنا العىسىمدى بىلدىرەمىن. ءبىزدىڭ جانە ۇستازدار مەن اتا-انالاردىڭ ارمانى – ۇل-قىزدارىمىزدىڭ ازامات اتانىپ، تاۋەلسىز قازاقستانعا ابىرويلى ەڭبەك ەتكەنىن كورۋ. ال، جاس تۇلەكتەردىڭ ارمانى – قالاعان جوعارى وقۋ ورىندارىنا ءتۇسىپ، مەكتەپتەن العان بىلىمدەرىن جالعاستىرۋ. سىزدەردىڭ ارماندارىڭىزدىڭ ورىندالۋى ءۇشىن ءبىرىنشى كەزەكتە ءبىلىم جولىندا تىنىمسىز تالپىنىس، ۇزدىكسىز ىزدەنىس قاجەت دەپ ەسەپتەيمىن. بۇل – ءبىزدىڭ بۇگىنگىدەي جاڭالىعى جەلمەن جارىسقان زاماننىڭ باستى تالابى. وسىنى ەستەن شىعارماعايسىزدار. قولدارىڭىزعا تيگەن اتتەستاتتارىڭىز قۇتتى بولسىن. الداعى سىناقتا جاقسى ناتيجەگە قول جەتكىزىڭىزدەر – دەدى شاھار باسشىسى.  

ونلاين كەزدەسۋدە №3 مەكتەپ-گيمنازياسىنىڭ «التىن بەلگى» يەگەرى انەل مۇحانبەت قالا باسشىسىنا العىس ايتىپ، قاتارلاستارىنا تىلەگىن جەتكىزدى.

بۇگىن قالا بويىنشا جالپى ءبىلىم بەرەتىن 50 مەكتەپتىڭ 11 سىنىبىن  1881 وقۋشى ءبىتىرىپ وتىر. ولاردىڭ 1716-سى ۇلتتىق بىرىڭعاي تەستىلەۋگە قاتىسادى.  

 

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار