ايماقتار • 03 ماۋسىم، 2020

الماتىدا فيتنەس-ورتالىقتار قىزمەتىن قايتا باستادى

13 رەت كورسەتىلدى

الماتى قالاسىنىڭ باس مەملەكەتتىك سانيتاريالىق دارىگەرىنىڭ 2020 جىلعى 1 ماۋسىمداعى №37 قاۋلىسىنا سايكەس، بۇگىننەن باستاپ، دەنەشىنىقتىرۋ-ساۋىقتىرۋ نىساندارىنىڭ: فيتنەس-كلۋبتارى، فيتنەس-ورتالىقتار، جاتتىعۋ زالدارى مەن ت.ب. قىزمەتى قايتا باستالادى.

جۇمىسقا قىزمەتكەرلەرىنىڭ جالپى سانى شامامەن 2800 ادام بولاتىن 280-نەن استام نىسان قايتا ورالادى.

مەكەمەلەردىڭ قىزمەتىنە بارلىق ەپيدەميولوگياعا قارسى شارالار قاتاڭ ساقتالعان جاعدايدا رۇقسات ەتىلەدى. جۇمىستى باستار الدىندا، ولار الماتى قالاسىنىڭ باس مەملەكەتتىك سانيتاريالىق دارىگەرى قاۋلىسىنىڭ ەرەجەلەرىمەن تانىسۋى جانە نىسانداردى، ولاردىڭ قاتارىنا: جايلاردا كۇشەيتىلگەن سانيتاريالىق-دەزينفەكتسيالىق رەجيمدى، جاتتىعۋلاردا الەۋمەتتىك قاشىقتىقتى ساقتاۋ، پەرسونالدار مەن كەلۋشىلەردىڭ تەرمومەترياسى جانە ت.ب. كىرەتىن بارلىق قاجەتتى تالاپتارعا سايكەس دايىنداۋى ءتيىس.

جۇمىس ورىندارىنا تىكەلەي قاجەتتى قىزمەتكەرلەر سانىن سپورت مەكەمەسىنىڭ باسشىلارى وزدەرى بەلگىلەيتىن بولادى. جۇمىس كەستەسى شتات رەجىمىندە قالىپ وتىر.

ازىرلىك اياقتالعاننان كەيىن، نىساندار حابارلاماعا ەلەكتروندى-تسيفرلىق قولتاڭباسىمەن قول قويۋ جولىمەن جازىلعان نورمالاردى ساقتاۋعا كەپىلدىك بەرىپ، ونى راستاي وتىرىپ، infokazakhstan.kz سايتىنا تىركەلۋلەرى ءتيىس.

ءارى قاراي، ولاردىڭ كارانتيندىك شارالاردى ورىنداۋ بارىسىن مونيتورينگتىك توپ رەيدتىك تەكسەرۋلەر جۇرگىزۋ كەزىندە قاداعالايتىن بولادى. زاڭ بۇزۋشىلىقتار انىقتالعان جاعدايدا، نىساندارعا، ولاردى تولىق جابۋعا دەيىنگى اكىمشىلىك جاۋاپكەرشىلىك جۇكتەۋ قاۋپى بار.

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار