بۇل – قىزدار ۋنيۆەرسيتەتىنىڭ پروفەسسور-وقىتۋشىلارى مەن بىلىكتى قىزمەتكەرلەرىنىڭ تابىسى. رەيتينگ جان-جاقتى جانە اكادەميالىق بەلسەندىلىكتى, ستۋدەنتتەردىڭ ۇلگەرىم كورسەتكىشتەرىن, پروفەسسورلىق-وقىتۋشىلىق قۇرامنىڭ جۇمىسىن, عىلىمي-زەرتتەۋ جانە يننوۆاتسيالاردى, حالىقارالىق ىنتىماقتاستىقتى, اقپاراتتىق قولداۋدى, تۇلەكتەردىڭ جۇمىسقا ورنالاسۋ ناتيجەلەرىن, سونداي-اق باعالاۋدى قامتيدى. سونىمەن قاتار جۇمىس بەرۋشىلەردىڭ بەدەلى مەن تاۋەلسىز ساراپشىلاردىڭ پىكىرى جانە ستۋدەنتتەر مەن تۇلەكتەردىڭ پىكىرلەرى دە ەسكەرىلدى.
– قىزدار ۋنيۆەرسيتەتىن ينستيتۋتسيونالدى رەيتينگتى ەسەپتەۋ ادىستەمەسى بەس كومپونەنتكە نەگىزدەلىپ جۇرگىزىلدى. ءبىرىنشى كومپونەنت وقۋ ورنىنىڭ اكادەميالىق قىزمەتى, ەكىنشى كومپونەنت ساراپشىلار باعاسى, ءۇشىنشى كومپونەنت جۇمىس بەرۋشىلەر رەپۋتاتسياسى, ءتورتىنشى كومپونەنت ستۋدەنتتەر باعاسى جانە بەسىنشى كومپونەنت تۇلەكتەر باعاسى دەپ اتالادى. بۇل كورسەتكىشتەر بويىنشا قىزپۋ جوعارى بالل جيناپ, اباي اتىنداعى قازاق ۇلتتىق پەداگوگيكالىق ۋنيۆەرسيتەتىنەن كەيىنگى ەكىنشى ورىندى الدى, – دەپ اتاپ ءوتتى وقۋ ورنىنىڭ ءباسپاسوز جانە قوعاممەن بايلانىس ءبولىمىنىڭ باسشىسى جاندار اسان.
رەيتينگ قورىتىندىسىمەن IQAA-Ranking اگەنتتىگىنىڭ رەسمي ينتەرنەت-رەسۋرسىنان تانىسۋعا بولادى.
