ايماقتار • 03 ماۋسىم، 2020

ىلە-الاتاۋ ۇلتتىق پاركىندە ەڭ كونە الما ءتۇرى بار

22 رەت كورسەتىلدى

ىلە-الاتاۋ ۇلتتىق پاركىندە ورنالاسقان ايۋساي تاۋ شاتقالىنا الماتى قالاسىنىڭ ەكولوگيالىق قوعامداستىعىنىڭ وكىلدەرى عالىمدار جەردەگى بارلىق المانىڭ ارعى اتاسى دەپ ەسەپتەيتىن سيۆەرس الماسىنىڭ 100 كوشەتىن وتىرعىزدى.

كوشەتتەردى وتىرعىزۋ اكتسياسى ىلە-الاتاۋ پاركىنىڭ ءتۇرلى شاتقالدارىندا بۇرىن بىرقاتار تۋريستىك سوقپاقتاردى، جاياۋ جۇرگىنشىلەر كوپىرلەرىن جانە تۋريستىك ينفراقۇرىلىم وبەكتىلەرىن مەملەكەت تاراپىنان قاراجات تارتۋسىز جايلاندىرۋمەن اينالىسقان ۇلتتىق ساياباقتاردى قولداۋ جونىندەگى قوعامدىق قور باسشىسى سەرگەي سپيتسىننىڭ باستاماسىمەن ۇيىمداستىرىلدى.

اكتسياعا ەكولوگيالىق قوعام وكىلدەرى قاتىستى، ولاردىڭ اراسىندا «تابيعات» قازاقستان قاۋىمداستىقتارى مەن كاسىپورىندارى ەكولوگيالىق وداعىنىڭ جەتەكشىسى مەلس ەلەۋسىزوۆ، «قازەكولوگيا» رەسپۋبليكالىق عىلىمي-وندىرىستىك جانە اقپاراتتىق ورتالىعىنىڭ باسشىسى امانگەلدى سقاقوۆ، سونداي-اق تابيعاتقا بەي-جاي قارامايتىن قازاقستان ازاماتتارى بولدى.

سيۆەرس الماسى بىرنەشە مىڭ جىل بويى ىلە الاتاۋى، قازاقستاننىڭ وڭتۇستىگى مەن شىعىسىنداعى تاۋلاردا وسەدى، ول قىزىل كىتاپقا ەنگەن جانە ەكولوگتاردىڭ پىكىرىنشە، ونى سيرەك كەزدەسەتىن ءتۇر، سونىمەن قاتار ايماقتىڭ جانە تۇتاستاي ەلدىڭ سيمۆولى رەتىندە ساقتاۋ جانە ودان ءارى جانداندىرۋ ءۇشىن قورعاۋ مەن اۋقىمدى جۇمىس اتقارىلۋى قاجەت.

– ءبىزدىڭ ادامداردىڭ كوبى ءۇشىن ۇلتتىق پارككە بارۋ – بۇل كاۋاپ پەن ءىشىپ-جەۋ دەپ بىلەدى. مۇنداي دەمالىستان كەيىن ۇيىلگەن قوقىس پەن كەسىلگەن اعاشتار قالادى، مۇنداي كورىنىسكە بارلىعىمىز بىرنەشە رەت كۋا بولدىق. ۇلتتىق پارككە بارۋدىڭ شەتەلدىك تاجىريبەسى باسقا – بۇل ەڭ الدىمەن، جانۋارلار مەن وسىمدىكتەردىڭ ءومىرى تۋرالى اقپارات الۋ، باقىلاۋ جانە پايىمداۋ، سونداي-اق جاۋاپكەرشىلىگى بار ەكولوگيالىق تۋريزم، – دەيدى مەلس ەلەۋسىزوۆ.

سونىمەن قاتار، اكتسيا بارىسىندا ايتىلىپ وتكەندەي، ىلە-الاتاۋ ۇلتتىق پاركىنە كەلۋشىلەرمەن اعارتۋ جۇمىستارىن جاقىن ارادا جاڭاشا ۇيىمداستىرۋ جوسپارلانىپ وتىر. جاقىندا ايۋساي شاتقالىندا قازىرگى زامانعى ەكولوگيالىق ۆيزيت-ورتالىق پايدا بولادى، وندا كەلۋشىلەردى ۇلتتىق پاركتە قانداي وسىمدىكتەر ءوسىپ، قانداي جانۋارلار مەكەندەيتىنى تۋرالى حاباردار ەتۋ جۇمىستارى باستالادى. بالالار ءۇشىن قىزىقتى ساباقتار مەن ەرەسەك كەلۋشىلەر ءۇشىن ەكسكۋرسيالار ۇيىمداستىرىلادى. سونداي-اق، قازىرگى ۋاقىتتا بار جانە جاڭا جولداردى قايتا ۇيىمداستىرۋ، ونىڭ ىشىندە اينالما جاياۋ جۇرگىنشىلەر جولدارىن قۇرۋ جوسپارلانۋدا، كەلۋشىلەر مارشرۋتتىڭ ۇزاقتىعى مەن كۇردەلىلىگى تۋرالى قاجەتتى بارلىق اقپاراتپەن، ناۆيگاتسيامەن، دەمالۋعا ارنالعان ورىندارمەن جانە كورىنىس الاڭدارىمەن قامتاماسىز ەتىلەدى. بۇل رەتتە بارلىق جولدار تەگىن بولماق، ۆيزيت-ورتالىققا بارۋ ءۇشىن ەشقانداي قوسىمشا اقى الىنبايدى.

1

– ءبىزدىڭ اكتسيامىزدىڭ يدەياسى – ۇلتتىق پارك ۆيزيت-ورتالىعىنىڭ جانىندا جاقىن ارادا وسى شاتقالعا ءداستۇرلى تۇردە كەلەتىن سيۆەرس الما باعىنىڭ بوي كوتەرۋىنە سەپتىگىمىزدى تيگىزۋ، مۇنداي جاعدايدا كەلۋشىلەردىڭ ساياباقتىڭ فلوراسىمەن تانىسىپ، دەمالۋىنا، ال وقۋشىلاردىڭ ەكولوگيالىق ءتالىم-تاربيە بويىنشا ساباق الۋىنا مۇمكىندىگى بولادى، – دەدى اكتسيانى ۇيىمداستىرۋشى سەرگەي سپيتسىن.

وتىرعىزۋعا ارنالعان كوشەتتەر ىلە-الاتاۋ ۇلتتىق پاركىنىڭ تالىمباعىنان الىندى، ونىڭ مىندەتى – سيرەك ەندەميالىق وسىمدىكتەردى ءوسىرۋ جانە قالپىنا كەلتىرۋ. اكتسيا ءال-فارابي اتىنداعى قازاق ۇلتتىق ۋنيۆەرسيتەتتىڭ قولداۋىمەن ءوتتى.

 

الماتى

سوڭعى جاڭالىقتار

قحل اڭىزدارىنىڭ قاتارىندا

حوككەي • بۇگىن، 07:56

«اباي اندەرى» اسقاقتايدى

اباي • بۇگىن، 07:46

وڭىرلەردەگى جاعداي باقىلاۋدا

ۇكىمەت • بۇگىن، 07:37

قوعامدا سەنىم پايدا بولدى

قوعام • بۇگىن، 07:16

قاجەت سوزدەر ۋاقىتىندا ايتىلدى

رۋحانيات • بۇگىن، 07:10

ءموبيلدى توپ باقىلايدى

ايماقتار • بۇگىن، 07:03

ۇپايدان شاشاۋ شىقپايدى

تەننيس • بۇگىن، 07:01

كوڭىلگە مەدەۋ بولعان ۇندەۋ

قوعام • بۇگىن، 06:59

انتيبيوتيك كەرى اسەر ەتۋى مۇمكىن

مەديتسينا • بۇگىن، 06:57

COVID-19: كۇرەس شارالارىنا قارجى ءبولىندى

كوروناۆيرۋس • بۇگىن، 06:45

بەيقامدىقتان ارىلار ەمەس

قوعام • بۇگىن، 06:39

ءوندىرىس كولەمىن 5 ەسەگە ارتتىردى

تەحنولوگيا • بۇگىن، 06:36

ەرەكشە دارىن يەسى ەدى

رۋحانيات • بۇگىن، 06:35

ساقتىقتا قورلىق جوق

كوروناۆيرۋس • بۇگىن، 06:30

ۇقساس جاڭالىقتار