ايماقتار • 03 ماۋسىم، 2020

پاندەميا كەزىندە قايىرىمدى جاندار كوبەيدى

23 رەت كورسەتىلدى

الەمدىك پاندەميا كەزىندە ەل پرەزيدەنتى بارلىق ۇيىمدارعا، كاسىپكەرلەرگە ءوز وتانداستارىنا بارىنشا قولداۋ كورسەتۋگە جانە كومەك كورسەتۋگە شاقىرعانى بەلگىلى. بۇرىن-سوڭدى بولماعان جاعداي تالاي ادامدى بەي-جاي قالدىرمادى.

بۇل يدەيانى قيىن كەزەڭدە ءبىر-بىرىنە جاناشىرلىق تانىتۋ، قامقور بولۋ، بىرلىكتى ساقتاۋ پارىزىمىز دەپ بىلەتىن ۆولونتەرلىك، قايىرىمدىلىق جانە باسقا دا ۇيىمدار، جەكە كاسىپكەرلەر، مەملەكەتتىك ورگاندار قولدادى. اركىم ءوز تاراپىنان كورسەتە الاتىن بارلىق قىزمەتىن كورسەتىپ جاتىر.

«ازاماتتارعا ارنالعان ۇكىمەت» مەملەكەتتىك كورپوراتسياسىنىڭ قىزمەتكەرلەرى قازاقستان ازاماتتارىنا مەملەكەتتىك قىزمەتتەردى ونلاين ۇسىنۋ، الەۋمەتتىك تولەمدەر جاساۋدا ۇزدىكسىز، ءۇزىلىسسىز جۇمىس ىستەسە، اتالمىش مەكەمە ءۇشىن دە قىزمەت ەتكەندەر بولدى.

الماتى حقو-لارى ەكى ايدان كەيىن 25 مامىر كۇنى قايتادان ءوز ەسىگىن اشتى. ءالى دە تسيفرلىق قىزمەتتەردى الۋعا داعدىلانا قويماعان تۇرعىندار، العاشقى كۇنى-اق حقو-لارعا لاپ قويدى. مۇندايدا كارانتين  كەزىندەگى ساقتىق شارالارىن ساقتاۋدى ەسكەرمەيتىندەر دە تابىلىپ جاتتى. وسىنداي كەزدە الماتى قالاسىنىڭ ءىىد قىزمەتكەرلەرى كومەككە كەلىپ، ازاماتتاردىڭ ءتارتىپ شارالارىن ساقتاۋىنا ۇلەس قوستى. اسىرەسە، جەتىسۋ اۋداندىق ءىىب قىزمەتكەرلەرىنە، ءبولىم باسشىسىنىڭ ءبىرىنشى ورىنباسارى ەرلان ارعىمباەۆتى بولە-جارىپ اتاۋعا بولادى. ءبولىم قىزمەتكەرلەرى ءار كۇنى تاڭعى 9-دان كەشكى 20-عا دەيىن كەزەكشىلىكپەن قىزمەت كورسەتۋدە.

«جاقسىنىڭ جاقسىلىعىن ايت، نۇرى تاسىسىن» دەمەكشى، جەتىسۋ اۋدانى اكىمى ماقسات قيقىموۆتىڭ ۇجىمىمىزعا كورسەتكەن قولداۋى ءۇشىن، شىن جۇرەكتەن العىسىمدى بىلدىرەمىن!» - دەپ جازدى فەيسبۋكتاعى پاراقشاسىندا «ازاماتتارعا ارنالعان ۇكىمەت» مەملەكەتتىك كورپوراتسياسى الماتى قالاسى فيليالىنىڭ ديرەكتورى دانيار قىرىقباەۆ.

«جەتىسۋ اۋدانىنىڭ اكىمى قيقىموۆ ماقسات ساكەن ۇلىنىڭ اۋدانداعى حقو مەن №3 مامانداندىرىلعان حقو-عا  كورسەتىپ وتىرعان قامقورلىعىن ەرەكشە ايتقىم كەلەدى. مۇنداعى قىزمەت الۋعا كەلۋشىلەردىڭ دەنساۋلىق جاعدايىن ويلاستىرىپ، فرونت-وفيستە دارىگەرلىك بۇرىش اشىپ، ول جەردە دارىگەرلەردىڭ كەزەكشىلىگىن ۇيىمداستىرۋعا ىقپال ەتتى. ۇيىندە ەلەكتروندىق قىزمەت الۋ مۇمكىندىگى جوق اۋدان تۇرعىندارى ءۇشىن حقو-دان تىس ورىنداردا وزىنە-ءوزى قىزمەت كورسەتۋ سەكتورلارىن اشىپ بەردى. سونىمەن قاتار، جەتىسۋ اۋداندىق فرونت-وفيسكە كەلۋشىلەردىڭ دەنە قىزۋىن ولشەيتىن تەپلوۆيزور اپپاراتىمەن دە اۋدان اكىمى ماقسات ساكەن ۇلى قامتاماسىز ەتكەنىن ايتقىم كەلەدى» – دەيدى ول.

«وسىنداي قيىن-قىستاۋ كەزدە حالىقتىڭ ءبىر جاعادان باس، ءبىر جەڭنەن قول شىعارۋ – اتا-بابالارىمىزدان ۇرپاققا بەرىلىپ كەلە جاتقان جاقسى قاسيەت. وسىنداي اۋىزبىرشىلىك ارقاسىندا بارلىق قيىندىقتاردى جەڭەتىنىمىزگە سەنەمىن...» – دەيدى فيليال ديرەكتورى.

 

 

 

الماتى

سوڭعى جاڭالىقتار

جەزقازعاندا دارىگەر جەتىسپەيدى

ايماقتار • بۇگىن، 16:22

اقش COVID-19 ۆاكتسيناسىن سىناپ كوردى

كوروناۆيرۋس • بۇگىن، 15:40

ۇقساس جاڭالىقتار