ايماقتار • 03 ماۋسىم، 2020

باتىس قازاقستاندا 450 شاقىرىم جول سالىنادى

16 رەت كورسەتىلدى

بيىل باتىس قازاقستان وبلىسىندا جول قۇرىلىسىنا 37،7 ملرد تەڭگە ءبولىنىپ، بۇعان رەسپۋبليكالىق، وبلىستىق جانە اۋداندىق ماڭىزى بار 437،3 كم جولدى جوندەۋ باستالىپ كەتتى.

بۇعان قوسا «اۋىل – ەل بەسىگى» جانە «جۇمىسپەن قامتۋ جول كارتاسى» مەملەكەتتىك باعدارلامالارى اياسىندا وبلىس اۋماعىندا جالپى ۇزىندىعى 156 كم بولاتىن كوشە جولدارىن جوندەۋ جوسپارلانعان.

باتىس قازاقستان وبلىسىنىڭ وڭتۇستىك اۋداندارى تۇرعىندارى تاعاتسىزدانا كۇتىپ وتىرعان ورال-جانىبەك-سايقىن جولىنىڭ بىرنەشە بولىگىندە جول قۇرىلىسى قىزۋ ءجۇرىپ جاتىر. ونى ءتورت مەردىگەر كومپانيا اتقارۋدا. سونىڭ ىشىندە رەسپۋبليكالىق ماڭىزى بار چاپاەۆ-جالپاقتال-قازتالوۆ-رف شەكاراسى، قازتالوۆ-جانىبەك-رف شەكاراسى، ونەگە-بيسەن-سايقىن اۆتوموبيل جولدارىندا كۇردەلى جوندەۋ جۇمىسى بيىل دا جالعاسادى. جوسپار بويىنشا 2021 جىلدىڭ سوڭىنا دەيىن ءبىتۋى ءتيىس. بۇل جولدىڭ قۇرىلىسى ەلباسى نۇرسۇلتان نازارباەۆتىڭ تىكەلەي تاپسىرماسىمەن قولعا الىنعان بولاتىن.

وبلىس اۋماعىنان وتەتىن حالىقارالىق سامارا-شىمكەنت كۇرە جولىنىڭ 36 شاقىرىمىن ورتاشا جوندەۋ جۇمىستارى ءۇشىن دە 1،6 ملرد تەڭگە كولەمىندە قاراجات قاراستىرىلعان.

سونداي-اق بيىل وبلىستىق ماڭىزى بار بارباستاۋ-اقجايىق-يندەر اۆتوجولىن قايتا جاڭارتۋ جوباسى ىسكە اسىرىلا باستاماق. ءبورلى-اقساي-جىمپيتى جولدارىنىڭ ۋچاسكەلەرىن كۇردەلى جوندەۋ جۇمىستارى جالعاسادى. ورال-كيرسانوۆ اۆتوجولىندا بايتەرەك اۋدانىنداعى كوپىرلەردى جانە «فەدوروۆكا-اقساي» اۆتوموبيل جولىنداعى 6 سۋ وتكىزگىش قۇبىردى كۇردەلى جوندەۋ جوسپارلانعان. تاسقالا-اققۋراي-بولاشاق-رف شەكاراسى باعىتىنداعى 96 شاقىرىم جول ۋچاسكەسىندە ورتاشا جوندەۋ جۇمىستارى اياقتالادى.

اۋداندىق ماڭىزى بار جولدار قاتارىندا اقجايىق، سىرىم، تەرەكتى، جانىبەك اۋداندارىنداعى اۋىلدارعا كىرمە جولداردى كۇردەلى جوندەۋ، سونداي-اق پەرەمەتنوە-تسىگانوۆو، پەرەمەتنوە-ۆەچنىي، جانىبەك-تالوۆكا-كىشى وزەن اۆتوموبيل جولدارىن ورتاشا جوندەۋ جوسپارلانعان.

كوشە-جول جەلىسى بويىنشا 156 كم جولدى جوندەۋ جوسپارلانۋدا. ورال قالاسىنداعى مۇناي بازاسى اۋدانىنداعى جول وتپەسىن قايتا جاڭارتۋ جۇمىستارى جالعاسۋدا. بۇل كوپىردى مەردىگەرلەر جوسپارلانعان ۋاقىتىنان بۇرىن تاپسىرۋعا ۋادە ەتىپ وتىر. سونىمەن قاتار، وتكەن جىلدىڭ 9 اۋىسپالى نىساندارىن اياقتاۋ جوسپارلانعان.

«اۋىل – ەل بەسىگى» جوباسى اياسىندا اۋىلىشىلىك جولداردى كۇردەلى جوندەۋ بويىنشا 7 جوبا ىسكە اسىرىلادى.

 

باتىس قازاقستان

سوڭعى جاڭالىقتار

جەزقازعاندا دارىگەر جەتىسپەيدى

ايماقتار • بۇگىن، 16:22

اقش COVID-19 ۆاكتسيناسىن سىناپ كوردى

كوروناۆيرۋس • بۇگىن، 15:40

اككۋمۋلياتور ۇرلىعى اشىلدى

ايماقتار • بۇگىن، 11:09

بار مەن جوقتىڭ اراسى...

ايماقتار • بۇگىن، 07:55

قامشى فيلوسوفياسى

رۋحانيات • بۇگىن، 07:49

«ءبىز ونلاين كانيكۋلدا...»

ايماقتار • بۇگىن، 07:43

ەۋروكۋبوككە قاتىسادى

فۋتبول • بۇگىن، 07:30

بيىلعى ماۋسىمنان شەت قالا ما؟

حوككەي • بۇگىن، 07:28

ۇقساس جاڭالىقتار