بالالار اۋىلىندا قازىر 53 بالا تۇرادى. ونىڭ ىشىندە تورتەۋى بيىل مەكتەپ بىتىرەدى. ۋنيۆەرسيتەت رەكتورى مەكتەپ ءبىتىرۋشى تۇلەكتەردى قۇتتىقتاپ, الداعى بىرىڭعاي ۇلتتىق تەستىلەۋدەن سۇرىنبەي وتۋلەرىنە تىلەكتەستىگىن ءبىلدىردى. تۇلەكتەردى قورقىت اتا اتىنداعى قمۋ-دە ءبىلىم الۋعا شاقىرىپ, وزدەرى تاڭداعان ماماندىق بويىنشا 4 جىل تەگىن وقۋ سەرتيفيكاتتارىن تابىستادى.
- قورقىت اتا اتىنداعى قىزىلوردا مەملەكەتتىك ۋنيۆەرسيتەتىندە اتا-اناسىنىڭ قامقورلىعىنسىز قالعان 38 جاس ءبىلىم الۋدا. ولار مەملەكەتتىك, وبلىس اكىمى گرانتتارى مەن ۋنيۆەرسيتەتتىڭ, كوپتەگەن كومپانيالاردىڭ قولداۋى نەگىزىندە تەگىن ءبىلىم الىپ, ىستىق تاماقپەن قامتاماسىز ەتىلگەن. بيىل دا «اتامەكەن» وتباسىلىق ۇلگىدەگى بالالار اۋىلىنىڭ مەكتەپ بىتىرەتىن تۇلەكتەرىن قامقورلىققا الاتىنىمىزدى جەتكىزگىم كەلەدى, – دەدى رەكتور.
سونىمەن قاتار, بالالار اۋىلىنداعى «اقجايىق» ءۇيىنىڭ 6 تاربيەلەنۋشىسىنە Nur Otan پارتياسى «تۇران» فيليالى مۇشەلەرىنىڭ اتىنان ابايدىڭ 175 جىلدىعىنا وراي تاريحي-تانىمدىق كىتاپتار تارتۋ ەتتى. قورقىت اتا اتىنداعى قمۋ ۇجىمى جىل سايىن «اتامەكەن» بالالار اۋىلىنا كەلىپ, بالالارمەن ءتۇرلى مەرەكەلەردى بىرگە وتكىزىپ كەلەدى.
