قازاقستان • 02 ماۋسىم، 2020

اۆياكومپانيالار بيلەت قۇنىن تولىق جانە ايىپپۇلسىز قايتارۋعا مىندەتتى – مينيستر

133 رەت كورسەتىلدى

يندۋستريا جانە ينفراقۇرىلىمدى دامىتۋ ءمينيسترى بەيبىت اتامقۇلوۆ بۇگىنگى حالىققا ەسەپ بەرۋ كەزدەسۋىندە اۋە بيلەتتەرىن قايتارۋعا قاتىستى ازاماتتاردىڭ سۇراقتارىنا جاۋاپ بەردى.

«اۆياكومپانيالارعا بيلەتتەردى توتەنشە جاعداي كەزىندە كەشىكتىرىلگەن نەمەسە كەيىنگە قالدىرىلعان بارلىق رەيستەر ءۇشىن ايىپپۇلسىز قايتارۋ تاپسىرىلدى. بىزدە بار نارسە اگرەگاتورلىق كومپانيالار (Aviata، Tickets.kz) ارقىلى ساتۋ جۇيەسى قالىپتاسقان. وكىنىشكە قاراي، ولار تاۋەلسىز جانە باسقا مەملەكەتتەردىڭ اۋماعىندا ورنالاسقان اگرەگاتورلاردىڭ بولىگى بولعاندىقتان بىزگە قيىندىق تۋعىزادى. كەيبىر تۋريستىك فيرمالار شەتەلدىك كەڭسەلەرىن ساتىپ جاتىر. بۇل جەردە، ارينە، ازاماتتىق سالاداعى قايتارىم ماسەلەلەرىن سوت جۇيەسى ارقىلى شەشۋ كەرەك»، - دەدى بەيبىت اتامقۇلوۆ.

مينيستر اۆيكومپانيالارعا بەرىلگەن تاپسىرماعا تاعى دا توقتالىپ ءوتتى.

«اۆياكومپانيالار بيلەتتەردى ايىپپۇلسىز تولىعىمەن قايتارۋى نەمەسە الداعى رەيستەر ءۇشىن اۋىستىرۋى كەرەك. تيىسىنشە ءبىزدىڭ ازاماتتار دا اۆياتسيا سالاسى قاتتى سوققى العانىن ءتۇسىنۋى كەرەك. 450 رەيستەن تۇراتىن 99 مارشرۋتتان باس تارتتىق. ۇشاقتاردىڭ پەرسونالى، ادامى، جالاقىسى جانە تەحنيكالىق قىزمەت كورسەتۋىمەن بىرگە اۆياكومپانيالار اۋە كەمەلەرىنىڭ تۇراعىنا تولەگەن كەزدە ۇلكەن قارجىلىق شىعىندارعا ۇشىرادى. بۇل تەك قازاقستاندا عانا ەمەس، كوپتەگەن ەلدەردە بولعان جاعداي. مۇنى دا ءتۇسىنۋ كەرەك. وسى كەزەڭدە ساتىلعان كوپتەگەن بيلەتتەردى قايتارۋ ءۇشىن مىڭداعان سۇرانىس جاسالعان. جۇمىس جالعاسۋدا »، - دەدى مينيستر.

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار