ساياسات • 02 ماۋسىم، 2020

قارۋلى كۇشتەردە 2020 وقۋ جىلى «اسكەري قىزمەتتىڭ قاۋىپسىزدىك جىلى» دەپ جاريالاندى

13 رەت كورسەتىلدى

قورعانىس مينيسترلىگىنىڭ القا وتىرىسى اسكەري باسشىلىقتىڭ، قورعانىس مينيسترلىگى مەن باس شتابتىڭ قۇرىلىمدىق بولىمشەلەرى باسشىلارىنىڭ، بريگادا، پولكتەر، اۆياتسيالىق بازالار، قويمالار كومانديرلەرىنىڭ، جەرگىلىكتى اسكەري باسقارۋ ورگاندارىنىڭ، اسكەري وقۋ ورىندارىنىڭ، اسكەري پوليتسيا ورگاندارى مەن سەرجانتتىق قۇرام باستىقتارىنىڭ قاتىسۋىمەن سەلەكتورلىق رەجيمدە ءوتتى.

القا كەڭەسىن اشا وتىرىپ، قورعانىس ءمينيسترى وقۋ جىلىنىڭ قىسقى كەزەڭىنىڭ قورىتىندىسى بويىنشا اسكەرلەردى دايارلاۋ، جاۋىنگەرلىك كەزەكشىلىك، اسكەري ءتارتىپ، قۇقىقتىق ءتارتىپ پەن اسكەرلەر قىزمەتى، اسكەري قىزمەتتىڭ قاۋىپسىزدىگى جانە ماتەريالدىق-تەحنيكالىق قامتاماسىز ەتۋ جاي-كۇيى ماسەلەلەرىن اتاپ ءوتتى. ءتيىستى باياندامانى قورعانىس ءمينيسترىنىڭ ءبىرىنشى ورىنباسارى-باس شتاب باستىعى گەنەرال-لەيتەنانت مۇرات بەكتانوۆ تانىستىردى.

وقىتۋ ەرەكشە جاعدايدا، اتاپ ايتقاندا قازاقستاننىڭ بارلىق اۋماعى بويىنشا توتەنشە جاعداي رەجيمىندە وتكىزىلدى. قارۋلى كۇشتەر بولىمشەلەرى بۇكىل ەل بويىنشا مىڭداعان شاقىرىم جولدار مەن وبەكتىلەرگە دەزينفەكتسيا جۇرگىزدى، بلوك-بەكەتتەردە قىزمەت اتقاردى، پاترۋلدەۋ جۇرگىزدى، جۇزدەگەن وتانداستاردى ەۆاكۋاتسيالادى جانە شەت ەلدەن گۋمانيتارلىق كومەك اكەلدى.

قورعانىس ءمينيسترى گەنەرال-لەيتەنانت نۇرلان ەرمەكباەۆ توتەنشە جاعداي رەجيمى الىنعانىمەن، ۆيرۋستىڭ تارالۋ قاۋپى ءالى دە جوعارى ەكەنىن ەسكە سالدى.

بۇگىنگى كۇنى قارۋلى كۇشتەر دەزينفەكتسيالاۋ جۇمىستارىن جۇرگىزۋدى جالعاستىرۋدا. سانيتارلىق-ەپيدەمياعا قارسى ءىس-شارالاردى قامتاماسىز ەتۋ بويىنشا جەرگىلىكتى اتقارۋشى ورگاندارعا كومەك كورسەتۋ ماقساتىندا شۇعىل تۇردە 16 سانيتارلىق وڭدەۋ توبى قۇرىلدى، ال 2020 جىلدىڭ 25 مامىرىنان باستاپ اسكەردە ارنايى وڭدەۋ قۇراما جاساقتارىنىڭ بولىمدەرى مەن بولىمشەلەرىنىڭ ينفەكتسيامەن كۇرەسۋىنىڭ ەكىنشى كەزەڭى باستالعانى تۋرالى جاريالاندى.

قارۋلى كۇشتەردىڭ كوروناۆيرۋستىق ينفەكتسياعا قارسى كۇرەس شارالارىنا اۋقىمدى قاتىسۋىنا قاراماستان، جاۋىنگەرلىك دايارلىق ساباقتارى جالعاسۋدا.

قورعانىس ۆەدومستۆو باسشىسى باس شتابقا اسكەر تۇرلەرى مەن تەكتەرى، وڭىرلىك قولباسشىلىقتاردىڭ، قۇرامالار مەن اسكەري بولىمدەردىڭ وفيتسەر وپەراتورلارىنىڭ بىلىكتىلىگىن ارتتىرۋ كۋرستارىن وتكىزۋ تاجىريبەسىن جالعاستىرۋدى تاپسىردى. اسكەري باسقارۋ ورگاندارىنىڭ دايىندىعىن تالداۋ وفيتسەرلەردىڭ دايىندىق دەڭگەيىنە بۇل وڭ اسەر ەتەتىنىن كورسەتتى. جەدەل دايارلىق ءىس-شارالارىن وتكىزۋدى كوبەيتۋدىڭ ارقاسىندا جاقسى ناتيجە قامتاماسىز ەتىلگەن.

اسكەري قىزمەتشىلەردى وقىتۋ ءۇشىن جاڭاشىلدىق ەنگىزىلۋدە. اسكەرلەردىڭ كۇندەلىكتى تىرشىلىگىنەن الىنعان ناقتى وقيعالار نەگىزىندە قالىپتاسقان جاعدايلىق كەيستەر قاراسىتىرىلعان، وقۋ مودۋلدەرى ازىرلەندى.

وقۋ مودۋلدەرى قارۋلى كۇشتەردىڭ بولىمدەرى مەن بولىمشەلەرىنە باعىتتالاتىن بولادى. بۇل اسكەري قىزمەتشىلەردى مەملەكەتتىك-قۇقىقتىق، كاسىبي دايارلىق جانە جەكە قۇراممەن اقپاراتتىق-تاربيە جۇمىسى جۇيەسىندە وقىتۋدىڭ وسىنداي فورماتىن پايدالانۋعا مۇمكىندىك بەرەدى.

قارۋلى كۇشتەردى تسيفرلاندىرۋ، اسكەرلەردى باسقارۋ جۇيەسىن اۆتوماتتاندىرۋ جانە ولاردى قازىرگى زامانعى قارۋ-جاراق پەن اسكەري تەحنيكامەن جاراقتاندىرۋ جونىندەگى جۇمىس ەرەكشە باقىلاۋدا.

القا وتىرىسى بارىسىندا اسكەري پوليتسيا باس باسقارماسىنىڭ باستىعى پولكوۆنيك باۋىرجان لەكەروۆ قىسقى وقۋ كەزەڭدەگى اسكەري قىزمەت قاۋىپسىزدىگى باسقارماسىنىڭ جۇمىسىن قورىتىندىلادى

2020 وقۋ جىلى «اسكەري قىزمەتتىڭ قاۋىپسىزدىك جىلى» دەپ جاريالاندى. مينيستر ينفراقۇرىلىم وبەكتىلەرىن اسكەري قىزمەت قاۋىپسىزدىگى تاۋەكەلدەرىنىڭ بار بولۋى تۇرعىسىنان تەكسەرۋدى جالعاستىرۋدى، سونىمەن قاتار «تاۋەكەلدەردى باسقارۋدى» ەنگىزۋدى تاپسىردى.

ماۋسىم ايىندا جەكە قۇرامنىڭ تاماقتانۋ وبەكتىلەرىنىڭ سانيتارلىق-ەپيدەميولوگيالىق جاعدايى تەكسەرىلەدى.

وسى ماسەلەلەر كونتەكستىندە ساقتاۋ وبەكتىلەرىندەگى ورتكە قارسى جانە ديۆەرسياعا قارسى قاۋىپسىزدىك ءۇشىن جاعداي جاساۋعا، قارۋ مەن وق-دارىلەردى قاۋىپسىز ساقتاۋعا، ارسەنالداردىڭ، بازالار مەن قويمالاردىڭ ينفراقۇرىلىمىن جەتىلدىرۋگە جانە دامىتۋعا ۇلكەن كوڭىل بولىنەدى. بۇل جۇمىس ازىرلەنگەن كەشەندى جوسپارعا سايكەس جالعاسۋدا.

قىسقى كەزەڭدە اسكەرلەردى ماتەريالدىق-تەحنيكالىق قامتاماسىز ەتۋ تۋرالى باياندامادا قورعانىس ءمينيسترىنىڭ ورىنباسارى گەنەرال-مايور باقىت قۇرمانباەۆ اعىمداعى جىلدىڭ سوڭىنا دەيىن قارۋلى كۇشتەرگە 343 بىرلىك جاڭا قارۋ-جاراق پەن اسكەري تەحنيكا تۇسەتىنىن ايتتى. 176 بىرلىك قارۋ مەن تەحنيكانى جوندەۋ جانە جاڭعىرتۋ جوسپارلانۋدا، 27 ميلليوننان استام ارتيللەريالىق جانە اتىس وق-دارىلەرىن كادەگە جاراتۋ كوزدەلگەن.

قارۋلى كۇشتەردىڭ جاۋىنگەرلىك دايىندىعى مەن كۇندەلىكتى ءىس-شارالارىن ورىنداۋدى قامتاماسىز ەتۋ، توتەنشە جاعداي رەجيمىن ساقتاۋ، تج سالدارىن جويۋ ءۇشىن ارىس قالاسىنا 3 211 بىرلىك قارۋ-جاراق پەن اسكەري تەحنيكا تارتىلدى.

قازاقستاندا قالىپتاسقان جالپى ەكونوميكالىق جاعدايدا قارۋلى كۇشتەر بيۋدجەت قاراجاتىن، موتورەسۋرستى جانە وق-دارىلەردى ۇنەمدى جۇمساۋ قاجەت.

قر قورعانىس ءمينيسترىنىڭ ورىنباسارى گەنەرال-لەيتەنانت تيمۋر داندىباەۆ سىبايلاس جەمقورلىققا قارسى ءىس-قيمىل جونىندەگى جۇمىستى قورىتىندىلاي كەلە، 2019 جىلى قر قارۋلى كۇشتەرىندەگى سىبايلاس جەمقورلىق قىلمىستارىنىڭ سانى 2018 جىلمەن سالىستىرعاندا 65%-عا تومەندەگەنىن حابارلادى. 

سەنىم تەلەفوندارى، جاسىرىن ساۋالنامالار، ازاماتتاردى قابىلداۋدى جۇزەگە اسىراتىن «ادالدىق الاڭى» جوبالىق كەڭسەسىنىڭ جۇمىس ىستەۋىمەن اسكەري ورتادا سىبايلاس جەمقورلىققا قارسى مادەنيەتتى جاپپاي قالىپتاستىرۋ جالعاستىرىلۋدا. ول جەردە سىبايلاس جەمقورلىق تاۋەكەلدەرى انىقتاۋ جانە ولاردى تومەندەتۋ بويىنشا شارالار پىسىقتالۋدا. قورعانىس مينيسترلىگىنىڭ سايتىندا ارنايى سىبايلاس جەمقورلىققا قارسى جاڭا ايدار جانداندىرىلدى.

قر سىبايلاس جەمقورلىققا قارسى ءىس-قيمىل اگەنتتىگىمەن ىنتىماقتاستىق تۋرالى مەموراندۋم شەڭبەرىندە اقپارات الماسۋ، سىبايلاس جەمقورلىق قۇقىق بۇزۋشىلىقتاردى بىرلەسىپ انىقتاۋ جانە الدىن الۋ جۇمىستارى جۇرگىزىلۋدە. مەموراندۋم اياسىندا 2020 جىلدىڭ قاڭتار-ءساۋىر ايلارىندا سىبايلاس جەمقورلىقتىڭ الدىن الۋعا باعىتتالعان 2967 ءىس-شارا وتكىزىلدى: 2137 جەكە اڭگىمەلەسۋ، اسكەري بولىمدەردە 710 ساباق، 47 كەڭەس، 39 دوڭگەلەك ۇستەل، 34 باق-تا جاريالانىم.

جەرگىلىكتى اسكەري باسقارۋ ورگاندارىندا سىبايلاس جەمقورلىقتى بولدىرماۋ ءۇشىن مەملەكەتتىك قىزمەتتەر تىزىلىمىنە اسكەري قىزمەتكە شاقىرۋدى كەيىنگە قالدىرۋ جانە ودان بوساتۋ تۋرالى ۇسىنىس ەنگىزىلدى. بۇل قىزمەتتەر «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ قاتىسۋىنسىز ەلەكتروندىق ۇكىمەت پورتالى ارقىلى «ە-ليتسەنزيالاۋ» كومەگىمەن كورسەتىلەدى دەپ كۇتىلۋدە.

القا وتىرىسىنىڭ قورىتىندىسى بويىنشا قورعانىس ءمينيسترى 2020 جىلعى 4 مامىردا ءشاسسيدىڭ الدىڭعى تىرەۋىنسىز س-295 اسكەري-كولىكتىك ۇشاعىن قوندىرعان اسكەري قىزمەتشىلەرگە مەملەكەتتىك ناگرادالاردى تاپسىردى. اۋە كەمەسى ەكيپاجىنىڭ ساۋاتتى ءىس-قيمىلىنىڭ ارقاسىندا «جەتىگەن» اۋەايلاعىنا ءشاسسيدىڭ الدىڭعى تىرەۋىنسىز قوندىرعان ولار، جەكە قۇرامنىڭ ءومىرى مەن دەنساۋلىعىن عانا ەمەس، سونىمەن قاتار اۋە كەمەسىنىڭ جارامدىلىعىن دا ساقتاي الدى.

قازاقستان رەسپۋبليكاسى پرەزيدەنتى – قارۋلى كۇشتەردىڭ جوعارعى باس قولباسشىسىنىڭ جارلىعىمەن اۋە كەمەسىنىڭ كومانديرى مايور جەڭىس زاينۋلدينوۆ جانە كومانديردىڭ كومەكشىسى كاپيتان ابلاي يبراەۆ ءىى دارەجەلى «ايبىن» وردەنىمەن، بورت-ينجەنەر مايور كارىم پاحيردينوۆ جانە بورت-مەحانيك پراپورششيك يگور كارابەتس «جاۋىنگەرلىك ەرلىگى ءۇشىن» مەدالدارىمەن ماراپاتتالدى.

سوڭعى جاڭالىقتار

پنەۆمونيانى قالاي انىقتايمىز؟

كوروناۆيرۋس • بۇگىن، 08:17

اقىل-پاراساتقا جۇگىنەيىك

رۋحانيات • بۇگىن، 07:54

بۇل – مىلتىقسىز مايدان

پىكىر • بۇگىن، 07:51

كاسىبىنە ادال ازامات

ساياسات • بۇگىن، 07:34

جۇمىس بەرۋشىنىڭ كىناسى كوپ

قوعام • بۇگىن، 07:30

تىل ارداگەرلەرى وزگەرىس كۇتەدى

رۋحانيات • بۇگىن، 07:26

ءار ازاماتتىڭ ءومىرى قىمبات

پىكىر • بۇگىن، 07:25

تەرمە تەرەڭدىككە باۋليدى

رۋحانيات • بۇگىن، 07:23

GGG جوسپاردا جوق

كاسىپقوي بوكس • بۇگىن، 07:15

ءار قازاق – قازاقستان قازىناسى!

رۋحانيات • بۇگىن، 07:15

ىشكى تۋريزمگە يەك ارتاتىن كەز

تۋريزم • بۇگىن، 07:10

ۇزدىك اتاندى

وقيعا • بۇگىن، 07:08

ەڭسەنى تۇسىرمەيىك

پىكىر • بۇگىن، 07:03

باقىتتى كۇندەر كۇتسىنشى...

پىكىر • بۇگىن، 07:02

سىر قامىسىنا سىرتتان سۇرانىس بار

ەكونوميكا • بۇگىن، 07:00

كىم قانشا تابىس تاپتى؟

سپورت • بۇگىن، 07:00

بايىتۋ فابريكاسى بوي كوتەرەدى

تەحنولوگيا • بۇگىن، 06:58

سىرتقى ساۋدا قاشان ارتادى؟

ەكونوميكا • بۇگىن، 06:56

«بىلەۋلى» ءھام «اناعا تاعزىم»

رۋحانيات • بۇگىن، 06:54

كارانتين فينتەحتى دامىتادى

تەحنولوگيا • بۇگىن، 06:50

الىس اۋىلدارعا ينتەرنەت جەتتى

تەحنولوگيا • بۇگىن، 06:45

بۇل سىناقتى دا ەڭسەرەمىز

پرەزيدەنت • بۇگىن، 06:36

الاش ازا تۇتقان كۇن

ساياسات • بۇگىن، 06:35

جانقيارلىق ەڭبەككە قۇرمەت

ساياسات • بۇگىن، 06:29

NASA مارسكا قامداندى

تەحنولوگيا • كەشە

ۇقساس جاڭالىقتار