ۇيىم تاراتقان مالىمەت بويىنشا شپيلبەرگتەگى Red Bull Ring تاسجولىندا 5 جانە 12 شىلدە كۇنى وتەتىن اۆتوجارىس كورەرمەندەردىڭ قاتىسۋىنسىز ۇيىمداستىرىلماق. «فورمۋلا-1» سپورتشىلارى جانە كوماندالار اۋسترياعا كىرەردەن بۇرىن كوروناۆيرۋسكە تەست تاپسىرادى. سونداي-اق جارىس كۇندەرى كوماندالار بولەك-بولەك قوناقۇيلەردە ورنالاسادى.
22 كەزەڭنەن تۇراتىن گران-ءپريدىڭ بيىلعى ماۋسىمى 15 ناۋرىز كۇنى مەلبۋرندا باستالۋى كەرەك ەدى. وسى ارالىقتا كوروناۆيرۋس پاندەمياسىنا بايلانىستى اۋستراليا, نيدەرلاند, موناكو, فرانتسيا, باحرەين, قىتاي, ۆەتنام, يسپانيا, ازەربايجان جانە كاناداداعى جارىستار وتپەيتىن بولدى.
