سولتۇستىكتىڭ سۋىعىندا پالما وسىرگەن, ورانجەرەياسىنداعى سيرەك كەزدەسەتىن كوشكىندەرىمەن بالالار تۇگىل ۇلكەندەردىڭ ءوزىن تاڭ قالدىراتىن بۇل باقتىڭ اشىلعانىنا 108 جىل بولعان ەكەن. ول سوڭعى جىلدارى جوندەۋدە بولىپ, ۇزاق ۋاقىت تۇرعىنداردىڭ كوز قۋانىشى بولا الماعان. تەك بۇگىن عانا بوبەكتەردى قۋانتىپ, كەلۋشىلەرگە قۇشاعىن جايىپ قارسى الدى.
باقتىڭ قايتا اشىلۋىنا وبلىس اكىمى قۇمار اقساقالوۆ, قالا اكىمى بولات جۇمابەكوۆ جانە تاعى باسقا كەلىپ, بۇلدىرشىندەردىڭ باقتى باسىنا كوتەرىپ, قۋانا جۇگىرگەنىن, تاڭىرقاپ شۋىلداعانىن كوزدەرىمەن كوردى. كوپ ادامداردىڭ ەڭبەگى ءسىڭىپ, ۇزاق ۋاقىت بويى وسىرىلگەن وسىناۋ كەرەمەت مۇرانى جابىلادى ەكەن دەگەن سىپسىڭ سوزدەر دە شىققان. بىراق وبلىس بيۋدجەتىنىڭ ەسەبىنەن ول قايتا تۇلەپ, شىرىگەن ەسكى اعاشتارى كەسىلىپ, جاڭا اعاشتار وتىرعىزىلىپ, ىشىندەگى جولدارى جوندەلىپ, جاڭا كوشكىندەر ەگىلدى. كىرەبەرىسىندەگى سۋ بۇرقاق, سارقىراما جانە تاعى باسقا كىرگەن ادامنىڭ كوڭىلىن بىردەن كوتەرەدى. بولاشاقتا بۇل باق قالا ءتۋريزمىنىڭ ورتالىعى بولار دەگەن ءۇمىت بار. وسى نىسانعا قازاقستانعا ەڭبەك سىڭىرگەن اگرونوم راۆيل ريازاپوۆتىڭ سىڭىرگەن ەڭبەگى زور. باققا كەلگەن قالالىقتار ونىڭ اتىنا العىستارىن ايتىپ جاتادى.
قىزىلجار
