وتىرىس بارىسىندا ادام قۇقىقتارى جونىندەگى امبەباپ كەزەڭدىك شولۋ شەڭبەرىندە قازاقستان رەسپۋبليكاسىنىڭ ءۇشىنشى ۇلتتىق بايانداماسىن قورعاۋ قورىتىندىلارى بويىنشا ۇسىنىمداردى ىسكە اسىرۋ, سونداي-اق بۇۇ-نىڭ ادام قۇقىقتارى جونىندەگى كوميتەتىنە قر ءۇشىنشى كەزەڭدىك بايانداماسىن ەنگىزۋگە جانە بۇۇ-نىڭ ناسىلدىك كەمسىتۋشىلىكتىڭ بارلىق نىساندارىن جويۋ جونىندەگى كوميتەتىندە 8-10 جيىنتىق مەرزىمدى باياندامانى قورعاۋعا دايىندىق بارىسى قارالدى.
وتىرىستىڭ قاتىسۋشىلار بۇۇ-نىڭ ادام قۇقىقتارى جونىندەگى كەڭەسىنىڭ ارنايى راسىمدەرىنىڭ (ارنايى بايانداماشىلار, تاۋەلسىز ساراپشىلار, جۇمىس توپتارى) ۇسىنىمدارىن ورىنداۋدىڭ باعالارى مەن پەرسپەكتيۆالارىن جانە قازاقستاننىڭ بۇۇ-نىڭ ادام قۇقىقتارى سالاسىنداعى حالىقارالىق شارتتارىنا ودان ءارى قوسىلۋ ماسەلەلەرىن جان-جاقتى قاراستىردى.
ادام ولشەمى سياقتى ماڭىزدى سالاداعى بۇۇ-مەن ىنتىماقتاستىقتىڭ ماڭىزدىلىعىن اتاي وتىرىپ, مەملەكەتتىك ورگانداردىڭ وكىلدەرى قازاقستاندىق تاراپتىڭ ادام قۇقىقتارى مەن بوستاندىقتارى سالاسىنداعى وزىنە العان حالىقارالىق مىندەتتەمەلەردى ورىنداۋى بويىنشا بىرلەسكەن كۇش-جىگەردى ۇيلەستىرۋگە ۋاعدالاستى. سونىمەن قاتار ۇستىمىزدەگى جىلدىڭ قاڭتارىندا پرەزيدەنت اكىمشىلىگى جانىنداعى ادام قۇقىقتارىن قورعاۋ ماسەلەلەرى بويىنشا قازاقستان رەسپۋبليكاسىنان باياندامالارعا ۇسىنىستار ازىرلەۋ جونىندەگى ۇيلەستىرۋ كەڭەسىن قۇرۋ ادام قۇقىقتارى ماسەلەلەرى بويىنشا مەملەكەتتىك ورگاندار مەن سالالىق ۇكىمەتتىك ەمەس ۇيىمداردىڭ ءوزارا سىندارلى ءىس-قيمىلىنا جاردەمدەسەتىن بولادى.
