تۋريزم • 01 ماۋسىم، 2020

قازاقستاندا تۋريستىك نىساندار جۇمىسىنىڭ الگوريتمى ازىرلەندى

20 رەت كورسەتىلدى

1 ماۋسىم كۇنى پرەمەر-ءمينيستردىڭ ورىنباسارى ە. توعجانوۆتىڭ توراعالىعىمەن وتكەن سەلەكتورلىق وتىرىستا مينيسترلىكتەر، «اتامەكەن» ۇكپ جانە وڭىرلەر اكىمدىكتەرىنىڭ باسشىلىعىنىڭ قاتىسۋىمەن قازاقستاندا تۋريزم ماۋسىمىن جانداندىرۋ ماسەلەلەرى قارالدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

وتىرىستا توتەنشە جاعداي كەزىندە ۇكىمەت تاراپىنان بۇل سالاعا م ۇلىك سالىعىنان جانە ەڭبەكاقى تولەۋ قورىنان سالىق تولەۋ مەن باسقا دا تولەمدەردەن بوساتۋ تۇرعىسىنان مەملەكەتتىك قولداۋ كورسەتىلگەنى اتالىپ ءوتتى.

 سونىمەن قاتار، زاڭنامالىق دەڭگەيدە تۋريستىك سالاعا قوسىمشا قولداۋ كورسەتۋ شارالارى قارالىپ جاتىر:

  • تۋريستىك وبەكتىلەردى جاڭادان سالۋ، رەكونسترۋكتسيالاۋ جانە جابدىقتاۋ كەزىندە ينۆەستيتسيا سوماسىنىڭ 10%-ىن وتەۋ جانە پرەفەرەنتسيا بەرۋ;

  • ءار شەتەلدىك تۋريست ءۇشىن تۋروپەراتوردىڭ شىعىندارىن سۋبسيديالاۋ;

  • اۋە كومپانيالارىنا ىشكى اۋە باعىتتارى بويىنشا بالالاردىڭ جول اقىسىن 100% وتەۋ;

  • كاسىپكەرلىك سۋبەكتىلەرىنىڭ جول بويىنداعى نىسانداردى سالۋ جانە قىزمەت كورسەتۋ بويىنشا شىعىندارىنىڭ 25%-ىن وتەۋ;

  • تۋروپەراتورلار مەن تۋراگەنتتىكتەردىڭ تۋريستىك كولىك قۇرالدارىن ساتىپ الۋ شىعىندارىنىڭ 25%-ىن وتەۋ.

2019-2025 جىلدارعا ارنالعان تۋريستىك سالانى دامىتۋ مەملەكەتتىك باعدارلاماسى اياسىندا 44 تۋريستىك جوباعا ينفراقۇرىلىم جۇرگىزۋ ماقساتىنا رەسپۋبليكالىق بيۋدجەتتەن 51،5 ملرد تگ قاراجات ءبولىندى. بۇل — اتالعان سالانى قولداۋدىڭ رەكوردتىق كورسەتكىشى دەۋگە بولادى.

كەڭەستە قازاقستاندا تۋريزم ماۋسىمىن باستاۋعا تولىق دايىندىق جاسالعانى حابارلاندى: تۋريستىك نىسانداردىڭ جۇمىس الگوريتمى ازىرلەندى، جولاۋشىلاردى تاسىمالداۋدىڭ اۆيا، تەمىرجول جانە اۆتوبۋس مارشرۋتتارى ىسكە قوسىلعان.

كەڭەس قورىتىندىسى بويىنشا پرەمەر-ءمينيستردىڭ ورىنباسارى ە. توعجانوۆ وڭىرلەردىڭ اكىمدىكتەرىنە تۋريستىك وبەكتىلەردىڭ دايىندىعى تۋرالى اكتىلەردى بەرۋ جۇمىسىن جەدەلدەتۋدى، جاڭا تۋريستىك باعدارلار مەن تولىققاندى اقپاراتتار جيىنتىعىن جاساۋدى، سونداي-اق اتالعان سالاعا ينۆەستيتسيا تارتۋ جۇمىسىن كۇشەيتۋدى تاپسىردى.

سوڭعى جاڭالىقتار

ماڭگىلىك مۇرا تاعىلىمى

اباي • بۇگىن، 10:01

قحل كەستەسى جاريالاندى

حوككەي • بۇگىن، 08:16

تايجان مۇراسى توزبايدى

رۋحانيات • بۇگىن، 08:15

95 جاسىندا كۋالىك الدى

وقيعا • بۇگىن، 08:11

جەمقورلار اللەياسى كەرەك پە؟

ساياسات • بۇگىن، 08:03

ەكپەنى وزدەرىنە سالدىردى

قوعام • بۇگىن، 08:00

پاندەميا كەزىندەگى پەرزەنتحانا

مەديتسينا • بۇگىن، 07:57

جاڭا ماۋسىمداعى وزگەرىستەر

فۋتبول • بۇگىن، 07:37

قاتەرلى ماۋسىم

الەم • بۇگىن، 07:26

ۇزدىك 8 كوماندا انىقتالدى

فۋتبول • بۇگىن، 07:20

قۇلقىن ءھام قۇلدىق

قوعام • بۇگىن، 07:15

ءتىلسىز جاۋدىڭ تاقسىرەتى

ايماقتار • بۇگىن، 07:08

تەگىن ءدارى-دارمەك كىمگە تيەسىلى؟

مەديتسينا • بۇگىن، 06:50

شاراپاتى مول «شەت-كومەك»

ەكونوميكا • بۇگىن، 06:39

ۇقساس جاڭالىقتار