وندا اتاپ كورسەتىلگەنىندەي, سوڭعى جىلدارى وتاندىق فارماتسەۆتيكا سالاسى ايتارلىقتاي دامىدى. وسىدان 20-25 جىل بۇرىن ەلىمىزدە فارماتسەۆتيكالىق ونەركاسىپتە ءونىمنىڭ شەكتەۋلى ءتۇرىن عانا شىعاراتىن بىرنەشە كاسىپورىن بولدى. بۇدان بولەك ولاردىڭ شىعارعان ونىمدەرى حالىقارالىق وندىرىستىك تاجىريبە ستاندارتتارىنا ساي كەلمەيتىن. سوندىقتان, ءدارى-دارمەكتىڭ باسىم بولىگى شەتەلدەردەن جەتكىزىلدى. وسى ماسەلەنى شەشۋ ءۇشىن ەلىمىزدە سالانى دامىتۋدىڭ مەملەكەتتىك باعدارلاماسى قابىلدانىپ, ينۆەستيتسيانىڭ كەلۋىنە ىقپال ەتەتىن قر ۇكىمەتىنىڭ بىرقاتار قاۋلىسى بەكىتىلدى. كاسىپورىندار GMP ستاندارتتارىنا سايكەس جاڭارتىلدى, ال كەي جاعدايلاردا جاڭا فارماتسەۆتيكالىق كاسىپورىندار سالىندى. سالاعا شەتەلدىك ينۆەستورلار كەلىپ, باسەكەگە قابىلەتتى ءونىم شىعارۋدى ماقسات ەتتى. وسىنداي كاسىپورىنداردىڭ ءبىرى - «نوبەل الماتى فارماتسەۆتيكالىق فابريكاسى» اق.
«نوبەل الماتى فارماتسەۆتيكالىق فابريكاسى» تۇركيانىڭ فارماتسەۆتيكالىق يندۋسترياسى كوشباسشىلارىنىڭ ءبىرى Nobel Pharmaceuticals كومپانيالار توبىنا كىرەدى. NOBEL Pharmaceuticals دايىن دارىلىك زاتتاردى ەمەس, بەلسەندى فارماتسەۆتيكالىق قۇرامداردى, ياعني دارىلىك زاتتاردىڭ بەلسەندى زاتتارىن وندىرەدى. كومپانيا قۇرىلىمىندا زەرتتەۋلەر مەن ازىرلەمەلەر ورتالىعى دا جۇمىس ىستەيدى.
قازاقستاندا كاسىپورىن 2002 جىلى الماتى فارماتسەۆتيكا فابريكاسى بازاسىندا قۇرىلدى. ونىڭ قۇرىلۋى مەن دامۋىنا 70 ميلليون اقش دوللارىنان استام قارجى سالىندى. GMP ستاندارتتارىنا سايكەس وندىرىستىك نىسانداردى تولىق قايتا قۇرۋ جانە جابدىقتاۋ جۇرگىزىلدى. سونىمەن قاتار, زاماناۋي جابدىقتارمەن جابدىقتالعان جاڭا تسەحتار قۇرىلدى. ءوندىرىستىڭ دامۋىمەن شىعارىلاتىن ءونىمنىڭ قاتارى دە كەڭەيدى. قازىرگى ۋاقىتتا «نوبەل افف» اق وتاندىق ءدارى-دارمەك وندىرۋشىلەر اراسىندا ساتۋ كولەمى بويىنشا ەكىنشى ورىندا تۇر. كومپانيا كەڭ تارالعان, سونداي-اق سيرەك كەزدەسەتىن اۋرۋلاردى, قاتەرلى ىسىكتەردى ەمدەۋ ءۇشىن جوعارى ساپالى, يمپورتتى الماستىراتىن 250 ءتۇرلى ءدارى-دارمەك شىعارادى.
«نوبەل افف» اق - 2011 جىلى ينسپەكتسيادان تابىستى ءوتىپ, GMP ستاندارتىنا سايكەستىك سەرتيفيكاتىن العان العاشقى وتاندىق كومپانيا. اتالمىش ينسپەكتسيا دۇنيەجۇزىلىك دەنساۋلىق ساقتاۋ ۇيىمى ساراپشىلارىنىڭ قاتىسۋىمەن ءوتتى. سودان بەرى كومپانيا قازاقستان مەن باسقا ەلدەردىڭ رەتتەۋشى ورگاندارى ينسپەكتسيالارىن, سونداي-اق ترانسۇلتتىق فارماتسەۆتيكالىق كومپانيالاردىڭ ينسپەكتسيالارىن بىرنەشە رەت قابىلدادى. ولار كەيىننەن فابريكادا وزدەرىنىڭ بىرەگەي يننوۆاتسيالىق ءدارى-دارمەكتەرىنىڭ كەلىسىمشارتتىق ءوندىرىسىن ورنالاستىرعان.
بۇگىنگى تاڭدا كاسىپورىننىڭ جوبالىق قۋاتتىلىعى جىلىنا 750 ملن ءدارى, 250 ملن كاپسۋلا, 20 ملن قۇتىلارداعى ءشاربات جانە سۋسپەنزيا, جىلىنا 10 ملن تۋب كرەمدەر مەن گەلدى قۇرايدى. كاسىپورىندا فيزيكا-حيميالىق زەرتتەۋلەر, ميكروبيولوگيالىق جانە ىشكى وندىرىستىك باقىلاۋ زەرتحانالارى جۇمىس ىستەيدى. ولاردىڭ بارلىعى ۋاكىلەتتى مەملەكەتتىك ورگاندارمەن حالىقارالىق زەرتحانالىق تاجىريبەلەرگە سايكەس اككرەديتتەلگەن جانە ەڭ وزىق جابدىقتارمەن, ولشەۋ اسپاپتارىمەن جابدىقتالعان. سونىمەن قاتار, بارلىق دايىن ءونىم قر دسم «دارىلىك زاتتاردى, مەديتسينالىق ماقساتتاعى بۇيىمداردى جانە مەديتسينالىق تەحنيكانى ساراپتاۋ ۇلتتىق ورتالىعى» شجق رمك مەملەكەتتىك زەرتحاناسىندا باقىلاۋدان وتەدى.
سونىمەن قاتار, «نوبەل افف» 2015 جىلدان باستاپ Abbott Products Operations AG ترانسۇلتتىق فارماتسەۆتيكالىق كومپانياسىمەن بىرلەسىپ وتە ماڭىزدى جانە قىزىقتى جوبانى ىسكە اسىرۋدا. كەلىسىم شارت بويىنشا «نوبەل افف»اق زاۋىتىندا Abbott Products Operations AG كومپانياسىنىڭ «فيزيوتەنز ®» (موكسونيدين) تۇپنۇسقالىق پرەپاراتىن ەكى دوزادا - 0,2 مگ جانە 0,4 مگ. شىعارۋ جولعا قويىلعان. پرەپارات ءوندىرىسىن ىسكە قوسۋ الدىندا Abbott Products Operations AG تاراپىنان بىرنەشە ينسپەكتسيالىق اۋديتتەر بولىپ, ولار زاۋىتتاعى ءوندىرىس شارتتارىنىڭ GMP ستاندارتتارىنا سايكەستىگىن راستادى. 2015 جىلى تەگىن مەديتسينالىق كومەكتىڭ كەپىلدىك بەرىلگەن كولەمىنىڭ قاجەتتىلىگى ءۇشىن وسى پرەپاراتتى قازاقستانعا جەتكىزۋ باستالىپ, كەيىن ىنتىماقتاستىقتى كەڭەيتۋ مۇمكىندىگى قاراستىرىلدى. ناتيجەسىندە رەسەي نارىعى ءۇشىن «فيزيوتەنز ® « پرەپاراتىن ءوندىرۋ تۋرالى شەشىم قابىلداندى.
ءدارى-دارمەك وندىرۋشىلەرى ءۇشىن بيزنەستى دامىتۋدىڭ ماڭىزدى باعىتى - ءونىمدى ەكسپورتتاۋ. بۇل ءوندىرىستى كەڭەيتۋگە, جاڭا تەحنولوگيالار ترانسفەرىن جۇزەگە اسىرۋعا جانە جاڭا دارىلەردى شىعارۋدى يگەرۋگە مۇمكىندىك بەرەدى. قازىرگى ۋاقىتتا وتاندىق زاۋىت ءدارى-دارمەكتەردى رەسەي, قىرعىزستان, وزبەكستان, مونعوليا جانە بەلارۋس ەلدەرىنە ەكسپورتتايدى. كاسىپورىن ءوندىرىسىنىڭ كولەمىندە ەكسپورتتالاتىن ءونىمنىڭ ۇلەسى بىرتىندەپ ارتىپ كەلەدى.
بۇگىنگى تاڭدا «نوبەل افف» اق-دا 500-دەن استام مامان جۇمىس ىستەيدى. قازاقستاننىڭ 7 وڭىرىندە فيليالى اشىلدى. كومپانيا الداعى ۋاقىتتا جاڭا ونىمدەر ءوندىرىسىن يگەرۋدى جانە شەتەلدىك نارىققا باعىتتالعان ونىمدەر ارتتىرۋدى جوسپارلاپ وتىر.
