قازىرگى ۋاقىتتا شليۋزدەردە شليۋز كامەرالارىندا, سۋ تاراتۋ گاللەرەيالارىندا بەتون كونسترۋكتسيالىق ەلەمەنتتەردى جوندەۋ جۇمىستارى ىستەلىپ جاتىر. جىل سوڭىنا دەيىن كولەمى 40 مىڭ م2 استام نىساندا بەتوندى قالپىنا كەلتىرۋ جوسپارلانعان. شليۋزدەرگە كۇردەلى جوندەۋ جۇرگىزۋ 2020-2025 جىلدارعا ارنالعان «نۇرلى جول» ينفراقۇرىلىمدى دامىتۋدىڭ مەملەكەتتىك باعدارلاماسىندا قاراستىرىلعان.
وسكەمەن, بۇقتىرما جانە ءشۇلبى كەمە قاتىناسى شليۋزدەرى - ەرتىس باسسەينىندەگى سۋ كولىگىنىڭ نەگىزگى ستراتەگيالىق وبەكتىلەرى. ولار گيدروتەحنيكالىق قۇرىلىستاردىڭ جوعارعى ەرتىس كاسكادىمەن بىردەي سۋ قويمالارىندا 50 ملن كم3 استام سۋدى تەجەۋدى قامتاماسىز ەتەدى. وسى جوبانى ىسكە اسىرۋ شليۋزدەردەگى اپات تاۋەكەلدەرىن ازايتۋعا جانە ەرتىس وزەنى بويىنشا تولاسسىز كەمە قاتىناسىن قامتاماسىز ەتۋگە مۇمكىندىك بەرەدى.
بۇگىنگى تاڭدا ەرتىس باسسەينىندە جۇك تاسىمالداۋ كولەمى شامامەن 1,4 ملن توننانى قۇراپ وتىر. بولاشاقتا رەسەي جانە قىتايمەن ەكى جاقتى تاسىمال كولەمىن ارتتىرۋ ارقىلى جۇك اينالىمى كولەمىن ەكى ەسەگە دەيىن ارتتىرۋ جوسپاردا بار.
