كوروناۆيرۋس • 01 ماۋسىم، 2020

ازيادا COVID-19-دان ءولىم نەگە از؟

293 رەت كورسەتىلدى

جاپون ۇكىمەتىنىڭ بۇرىنعى كەڭەسشىسى، كوبە  ۋنيۆەرسيتەتىنىڭ پروفەسسورى، ەپيدەميولوگ دارىگەر كەنتارو يۆاتا ربك-ىنا بەرگەن سۇحباتىندا ەۋروپا ەلدەرىمەن سالىستىرعاندا ازيا ەلدەرىندە كوروناۆيرۋستان ادام شىعىنىنىڭ الدە قايدا از ەكەندىگىن ايتتى.

ماماننىڭ ءوز مالىمەتىندە كەلتىرگەنىندەي بۇكىل الەمدە 334 مىڭ ادام كوروناۆيرۋس قۇرباندىعىنا اينالسا، مۇنىڭ 10 مىڭدايى عانا ازيا ەلدەرىنىڭ ۇلەسىندە.

ازيادا كوروناۆيرۋستان ەڭ كوپ ءولىم كورسەتكىشى ادام سانى قالىڭ قىتايدا تىركەلگەنى ءمالىم. بۇل ەلدە 4 مىڭنان استام ادام قايتىس بولدى. وڭتۇستىك كورەيادا (267)، جاپونيادا (820)، يندونەزيادا (1،3 تىس.)، سينگاپۋردە (23)، مالايزيادا (115) بۇدان الدە قايدا از بولدى.

ال ەۋروپادا  COVID-19-دان 169 مىڭ، اقش-تا 100 مىڭ ادام قايتىس بولدى.

1 ميلليون ادامعا شاقاندا COVID-19-دان اجال قۇشۋ جاپونيادا 6،4 ادامنان، وڭتۇستىك كورەيادا - 5، قىتايدا - 3 ادامنان كەلسە، يسپانيا، بريتانيا جانە يتاليا ەلدەرىندە بۇل كورسەتكىش 500 ادامنان اسىپ ءتۇستى. 1 ميلليون ادامعا شاققانداعى ءولىم كورسەتكىشى اقش-تا 200، رەسەيدە 24 ادامنان كەلدى.

جاپونيادا جانە باسقا دا ازيا ەلدەرىندە، جالپى الەمدە كوروناۆيرۋس ءالى اۋىزدىقتالماعاندىقتان اتالعان ايىرماشىلىقتىڭ ناقتى سەبەبى نەدە ەكەندىگىن ايتۋعا ءالى ەرتە. دەگەنمەن قازىردىڭ وزىندە بىرنەشە بولجام جاساۋعا بولارلىقتاي.

يۆاتانىڭ پىكىرىنشە، بۇعان ازيالىقتاردىڭ گەندىك ەرەكشەلىكتەرىنىڭ ىقپالى بولۋى مۇمكىن. سونىڭ اسەرىمەن ولار ۆيرۋستى جەڭىل قابىلداۋى عاجاپ ەمەس.

ەكىنشىدەن، ازيا ەلدەرىنىڭ تۇرعىندارى مۇنىڭ الدىندا بولىپ كەتكەن اۋرۋلار ەسەبىنەن ءوز بويلارىندا يممۋنيتەت قالىپتاستىرىپ ۇلگەرۋى مۇمكىن.

ۇشىنشىدەن، ازيا ەلدەرىنىڭ كوپتەگەن حالقى سەمىرۋگە بەيىم ەمەس. سونىڭ ەسەبىنەن تامىردى ماي باسۋ نەمەسە گيپەرتونياعا شالدىعۋ سيرەگىرەك. مۇنىڭ ءوزى ولاردىڭ اعزاسىنىڭ ۆيرۋستان قورعانۋ قابىلەتىن نىعايتا ءتۇسۋى مۇمكىن.

«الايدا مۇنىڭ بارلىعى ازىرگە بولجام عانا. ولاردىڭ ازىرگە عىلىمي تۇرعىدا دالەلدەنبەگەنىن ايتۋىمىز كەرەك» دەپ تۇيىندەدى ءسوزىن يۆاتا.

سوڭعى جاڭالىقتار

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار