ايماقتار • 01 ماۋسىم، 2020

بالالار كۇنىندە از قامتىلعان وتباسىلارعا كومەك كورسەتىلدى

34 رەت كورسەتىلدى

بۇگىن 1 ماۋسىم – بالالار قۇقىقتارىن قورعاۋ كۇنىنە وراي Nur Otan پارتياسى شىمكەنت قالاسى فيليالى توراعاسىنىڭ ءبىرىنشى ورىنباسارى باحادىر نارىمبەتوۆ قالاداعى بىرقاتار از قامتىلعان كوپ بالالى وتباسىعا بارىپ، مەرەكەلەرىمەن قۇتتىقتادى. بۇل يگى ءىس، ەڭ الدىمەن، ءال-فارابي اۋدانىنا قاراستى 21 ش.ا.، 22 ءۇي، 48 پاتەردە تۇراتىن كوپ بالالى انا گۇلچەحرا ەگەمبەرديەۆانىڭ وتباسىنان باستالدى.

ءبىرىنشى ورىنباسار بۇل وتباسىعا ازىق-ت ۇلىك جيىنتىعى، كيىم-كەشەك جانە سىيلىقتار تاپسىرا وتىرىپ، مەرەكەلەرىمەن ارنايى قۇتتىقتادى.

– بالالار، مەرەكەلەرىڭىز قۇتتى بولسىن! مەن دە ءدال سىزدەردەي كوپ بالالى وتباسىندا ومىرگە كەلگەنمىن. ۇيدە ون جانبىز، سونىڭ توعىزىنشىسىمىن. سول سەبەپتى اعالارىمنىڭ كيىمىن كيىپ وسكەنمىن. ياعني، ۇلكەن وتباسىنىڭ قىزىعى مەن تاربيەلىك ءمانى كوپ. بۇيىرسا، وسىلاردىڭ اراسىنان جاقسى ازاماتتار، مىقتى ماماندار شىعادى. سىزدەردى تورگە سۇيرەيدى. ۇلكەن-ۇلكەن ۇيلەر سالىپ بەرەدى، – دەدى ب.مادەلى ۇلى.

ال باق وكىلدەرىنە پىكىر بىلدىرگەن ساتتە ب.نارىمبەتوۆ: «مەرەكە كۇنىندە بالالاردى قۋانىشقا بولەۋ – بىزگە ۇلكەن ابىروي. بۇلاي جاقسى كوڭىل-كۇي سىيلاۋعا تىرىسقانىمىز بالالاردىڭ كوڭىلىندە بولاشاققا دەگەن ۇلكەن سەنىم ۇيالاتۋى مۇمكىن. ولاردىڭ كوڭىلى تىم نازىك. سول سەبەپتى ەل وزدەرىمەن بىرگە ەكەنىن سەزىنگەنىن قالايمىن. بۇل ورايدا بىزگە دەمەۋشىلىك تانىتىپ جۇرگەن نۇروتاندىق كاسىپكەرلەرگە راقمەت ايتامىن» دەدى ول.

وسى رەتتە العىسىن جاۋدىرعان اناعا ءبىرىنشى ورىنباسار: Nur Otan پارتياسىنىڭ ۇستانىمى – وسى، مۇقتاج جانداردىڭ مۇڭىن تىڭداپ، ولارعا كومەك قولىن سوزۋ. ءدال بۇگىن پەرزەنتتەرىڭىز بىزبەن سۋرەتكە ءتۇسىپ جاتسا، ەرتەڭ ءسىزدىڭ بالالارىڭىزبەن سۋرەتكە تۇسۋگە قۇمار جاندار كوبەيسىن. ءبىرى – اكىم، ءبىرى چەمپيون بولسىن! باستىسى، ەلگە ەڭبەگى ءسىڭسىن» دەپ جاۋاپ قايتاردى.

ءوز كەزەگىندە كوپ بالالى انا مەرەكەمەن قۇتتىقتاپ كەلگەن نۇروتاندىقتار مەن باق وكىلدەرىن ءسۇيىنشى حابارمەن قۋانتتى. گۇلچەحرا ەگەمبەرديەۆا ونىنشى پەرزەنتىنە اياعى اۋىر ەكەن.

– Nur Otan پارتياسى ەش كومەگىن اياعان ەمەس. مەرەكە سايىن ەلەپ تۇرادى. وتكەن جولى ء«بىز بىرگەمىز» اكتسياسىمەن 50 مىڭ تەڭگە بەردى. اتاۋلى الەۋمەتتىك كومەك جانە كوپ بالالى انا رەتىندە جاردەماقى الامىز. مەملەكەتتىڭ وسىلاي قولعابىس ءبىلدىرۋى ارقاسىندا التى ۇل، ءۇش قىز تاربيەلەپ وتىرمىز. ەكەۋى – ستۋدەنت، ەكەۋى كىشكەنتاي، بەسەۋى مەكتەپتە وقيدى. وسى ورايدا بۇلدىرشىندەردى بۇگىنگى مەرەكەلەرىمەن قۇتتىقتاپ، ءار بالا مەيىرىمگە جانە باقىتتى بولۋعا لايىق ەكەنىن ايتقىم كەلەدى، – دەدى اياۋلى انا.

اتالعان وتباسى پاتەر جالداپ تۇرادى. كوپ بالالى انا رەتىندە تىركەلگەن ءۇي كەزەگى (585) جاقىنداپ قالعان. «بۇيىرسا، بيىل باسپانالى بولامىز!» دەپ ۇمىتتەنىپ وتىر. ال جولداسى جايلى ايتساق، جۇمىس ىستەيدى. تابىسى – 60 مىڭ تەڭگە. ءوزى بالا تاربيەسىندە.

ايتا كەتەيىك، بۇگىنگى كومەك بارىسىندا قالامىزدا از قامتىلعان وتباسىلارداعى 150 بالاعا كيىم بەرىلدى. جالپى، قالادا از قامتىلعان 17 593 وتباسى، ال كوپ بالالى 50 500 وتباسى بار.

سوڭعى جاڭالىقتار

ۇقساس جاڭالىقتار