سونىمەن بىرگە, دەرەككوزدىڭ حابارلاۋىنشا, تۇپكىلىكتى شەشىم ءالى قابىلدانعان جوق. ءبارى ازىرگە كەلىسسوزدەر دەڭگەيىندە تالقىلانىپ جاتىر.
بۇل جولى دا جيىندار بەينەفورمات ۇلگىسىندە ءوتىپ, تاياۋ شىعىس ەلدەرى كەلەسى ايداعى بولجالدى باعالار مەن ەكسپورت كەستەلەرىن بەلگىلەيدى. الداعى بىرەر ايداعى مۇناي باعاسى وسى بەلگىلەگەن شەكتى باعالار شەڭبەرىنەن تومەندەپ كەتپەۋى ءتيىس.
ساراپشىلاردىڭ پايىمداۋىنشا, باس قوسۋدى بىرەر كۇنگە بەرى جىلجىتۋ تۋرالى باستامانى وسى جىلى وپەك كونفەرەنتسياسىنا توراعالىق ەتەتىن الجير جاعى كوتەرىپ وتىر.
تاسس دەرەككوزدەرى بۇعان دەيىن وپەك-ءتىڭ كەيبىر ەلدەرى ءوندىرىستى قىسقارتۋ ءۇشىن اعىمداعى كۆوتانى وسى جىلدىڭ سوڭىنا دەيىن ۇزارتۋدى تالاپ ەتىپ وتىر دەپ مالىمدەگەن بولاتىن. «بىراق رەسەيدىڭ مۇناي باررەلىن كوبەيتۋ تۋرالى كەلىسىمگە كەلۋ مۇمكىندىگى از. الداعى ۋاقىتتا وندىرىلەتىن مۇناي باررەلى قازىرگى كولەمنەن دە قىسقارۋى مۇمكىن. بىراق اقش پەن قىتايدا ءوندىرىس وشاقتارى پاندەميادان كەيىن ەس جيا باستادى. مۇنايعا دەگەن سۇرانىستا العا جىلجۋشىلىق بار. رەسەيدى دە, وپەك-كە مۇشە ەلدەردى دە وسى فاكتور ۇمىتتەندىرىپ وتىر», دەپ حابارلايدى تاسس.
ءساۋىر كەلىسىمدەرىنە سايكەس, وپەك + ەلدەرى ءوندىرىستى تەك مامىر جانە ماۋسىم ايلارىندا 9,7 ميلليون باررەلگە قىسقارتادى, ال شىلدە-جەلتوقسان ارالىعىندا شەكتەۋلەر 7,7 ميلليون باررەلگە دەيىن تومەندەۋى كەرەك.
وپەك-كە مۇشە مەملەكەتتەر بولسا, مامىر ايىنداعى شارتتاردى ۇزاق مەرزىمگە ۇزارتۋ كەرەك دەپ سانايدى.
