تاياۋدا تسيفرلىق دامۋ ءمينيسترى ا.جۇماعاليەۆ شىمكەنت قالاسىنىڭ 2019 جىلى «تسيفرلىق قازاقستان» باعدارلاامسىنىڭ ىسكە اسىرىلۋ ناتيجەلەرىمەن تانىستى. جيىن بارىسىندا قالا اكىمى م.ايتەنوۆ ءسوز الىپ, «اقىلدى قالا» ەتالوندىق ستاندارت باعىتتارىن جۇزەگە اسىرۋعا باستى نازارعا الاتىنىن ايتىپ, قالانىڭ تسيفرلاندىرۋدىڭ بارىسى تۋرالى ەسەپتى بايانداۋعا قالا اكىمىنىڭ ورىنباسارى ە.سادىرعا بەردى.
شىمكەنت قالاسىن تسيفرلاندىرۋ 8 نەگىزىگى سالادان (قالانى باسقارۋ, ءبىلىم, دەنساۋلىق ساقتاۋ, الەۋمەتتىك قامتۋ جانە ت.ب) تۇراتىن تۇجىرىمداما بويىنشا جۇرگىزىلدى, دەدى قالا اكىمىنىڭ ورىنباسارى ە.سادىر. سونىمەن قوسا, قاۋىپسىزدىك, كوممۋنالدىق سالا, ساۋلەت جانە جەر قاتىناستارى ت.ب سالالاردى تسيفرلاندىرۋعا ەرەكشە ءمان بەرىلۋدە.
قالانى باسقارۋداعى جاقسى كورسەتكىشتىڭ ءبىرى رەتىندە 160 مەملەكەتتىك قىزمەتتىڭ 141 اۆتوماتتاندىرىلىپ, ونىڭ ىشىندە بالالاردى بالاباقشاعا, مەكتەپكە قابىلداۋ, لاگەرگە جولداما بەرۋ جانە ت.ب قىزمەتتەر اۆتوماتتاندىرىلىپ جىلدىڭ سوڭىنا دەيىن ينتەگراتسيالاناتىنىن ايتتى.
سونداي-اق قالادا مەملەكەتتىك جەكە مەنشىك ارىپتەستىك ارقىلى ءبىلىم, دەنساۋلىق سالالارىن كومپيۋتەرمەن جابدىقتاۋ جۇمىسى قولعا الىنعان. جەر قاتىناستارىن رەتتەۋ اياسىندا «Halyksaulet» گەوپورتالى ازىرلەنىپ ىسكە قوسىلعان.
«قاۋىپسىز اۋلا» جوباسى بويىنشا «قازاقتەلەكوم» اق بىرلەسىپ, 2000 جۋىق اۋلالارعا بەينە كامەرالار ورناتىلدى. جىل سوڭىنا دەين قالا كوشەلەرىنە 1500 بەينەكامەرا ورناتۋ جوپارلانعان.
كۇن تارتىبىندەگى ەكىنشى سۇراق بويىنشا «زەردە» ۇلتتىق ينفوكومۋنيكاتسيالىق حولدينگى» اق باسشىسى ا.انيسيموۆ «اقىلدى قالا» ەتالوندىق ستاندارتى ءبىلىم, قاۋىپسىزدىك, كولىك, قالانى باسقارۋ جانە ت.ب باعىتتارىن جۇزەگە اسىرۋعا حولدينگتىڭ ازىرلەگەن ۇسىنىستارىنا توقتالىپ ءوتتى. ونىڭ ايتۋىنشا «اقىلدى قالا» ەتالون ستاندارتىن قۇرۋدىڭ نەگىزىگى 3 ماقساتى بار, ولار قالا تۇرعىندارىنىڭ ومىرىنە قاۋىپسىز جانە جايلى جاعداي جاساۋ, قالانى ينفراقۇرىلىم باسقارۋدىڭ ءتيىمدى جۇيەسىن قالىپتاستىرۋ, قالالاردىڭ باسەكەگە قابىلەتتىلىگىن ارتتىرۋ بولىپ تابىلادى.
جيىن سوڭىندا ا.جۇماعاليەۆ قالا باسشىلىعىنا 112 بىرىڭعاي كەزەكشى-ديسپەتچەرلىك قىزمەتىن جوسپارعا سايكەس ىسكە قوسۋدى جانە وتاندىق كومپانيالاردىڭ تسيفرلىق شەشىمدەرىن پايدانلانۋعا ۇسىنىستارىن بەردى.
