iKOMEK ورتالىعى ءوز ۇجىمىنا ەلوردانىڭ دامۋىنا بەي-جاي قارامايتىن جاۋاپتى قىزمەتكەرلەردى ىزدەيدى.
«وپەراتوردىڭ مىندەتتەرىنە ەلوردا تىنىس-تىرشىلىگىنىڭ ماسەلەلەرى بويىنشا قالا تۇرعىندارىنان كەلىپ تۇسەتىن وتىنىشتەردى قابىلداۋ, كونسۋلتاتسيا بەرۋ, اقپاراتتىق جۇيەگە تىركەۋ كىرەدى», – دەلىنگەن iKOMEK PR قىزمەتىنىڭ حابارلاماسىندا.
iKOMEK-تە ايتىلعانداي, وپەراتور جۇمىسى تولىقتاي تسيفرلاندىرىلعان جانە باسشىلىق ونلاين رەجيمدە وپەراتورلاردىڭ ونىمدىلىگىن قاداعالاي الادى. وسىلايشا, قالا تۇرعىندارىنا قىزمەت كورسەتۋدىڭ جوعارى ساپاسى قامتاماسىز ەتىلەدى. ورتا ەسەپپەن وپەراتورلار ساعاتىنا 30-عا جۋىق ءوتىنىش قابىلدايدى.
«كوروناۆيرۋس ينفەكتسياسىنىڭ پاندەمياسى الەمدى ايتارلىقتاي وزگەرتتى. بۇگىندە الەمنىڭ Facebook, Amazon, Alibaba, Microsoft جانە ت.ب. ءىرى كومپانيالارى قاشىقتان جۇمىس ىستەۋگە كوشتى. بىزدە قىزمەتكەرلەردى قاشىقتان جۇمىسقا تارتۋ ارقىلى تۇرعىندارعا ساپالى قىزمەت كورسەتۋ مۇمكىندىگى بار. مەملەكەت باسشىسى قاسىم-جومارت توقاەۆتىڭ جۇمىسسىزداردى بەلسەندى تۇردە جۇمىسقا ورنالاستىرۋ تۋرالى تاپسىرماسى اياسىندا ءبىز iKOMEK109 بىرىڭعاي بايلانىس ورتالىعىنا وپەراتورلار قابىلدايتىنىمىزدى جاريالادىق», – دەيدى iKOMEك قالالىق ورتالىعىنىڭ باسشىسى جاننات ءدۇبىروۆا.
iKOMEK كادرلىق قىزمەتىنىڭ ماماندارى اتاپ وتكەندەي, بىرىڭعاي بايلانىس ورتالىعى 24/7 رەجيمىندە جۇمىس جاسايدى. وپەراتورلار ءۇشىن «يكەمدى جۇمىس كەستەسى» بەكىتىلگەن. وسىلايشا, ۇمىتكەرلەر ءۇشىن بارىنشا ىڭعايلى جۇمىس كەستەسىن قاراستىرۋ مۇمكىندىگى بار.
«ۇمىتكەرلەردىڭ تەحنيكالىق جابدىقتالۋ دەڭگەيىن ەرەكشە اتاپ وتكىم كەلەدى. ول: تۇراقتى ينتەرنەت, دەربەس كومپيۋتەر نەمەسە نوۋتبۋك, ميكروفونى بار گارنيتۋرا جانە جۇمىس كەزىندە تىنىشتىقتى قامتاماسىز ەتۋ», – دەدى جاننات ءدۇبىروۆا.
تولىعىراق اقپارات الۋ ءۇشىن كەلەسى بايلانىس دەرەكتەرى بويىنشا جۇگىنۋگە بولادى: +7 7172 917 222; m.tanzharyk@ikomekastana.kz.
