قابىلداۋعا اقمولا, اقتوبە, الماتى, شىعىس قازاقستان, باتىس قازاقستان, ماڭعىستاۋ جانە تۇركىستان وبلىستارىنىڭ, سونداي-اق نۇر سۇلتان مەن الماتى قالالارىنىڭ تۇرعىندارى جازىلعان. مينيسترگە قويىلعان ساۋالداردىڭ باسىم كوپشىلىگى ورتا جانە شاعىن اۋىل بيزنەسىنە جەڭىلدەتىلگەن نەسيەلەر مەن سۋبسيديالار بەرۋ تۋراسىندا بولدى. ازاماتتارعا مال ءوسىرۋدى قولداۋ, ءسۇت فەرمالارىن قۇرۋ جانە ەت وڭدەۋ بويىنشا ىسكە اسىپ جاتقان باعدارلامالار مەن ولاردىڭ شارتتارى ەگجەي-تەگجەيلى ءتۇسىندىرىلدى.
فەرمەرلەر تاراپىنان سۇراقتارمەن قاتار شاعىمدار دا ايتىلدى. ماسەلەن, سەمەي قالاسىنداعى «اق نان» جشس-ءنىڭ ساتىپ الۋ جونىندەگى مەنەدجەرى دارحان تولەپبەرگەن, مينيستردەن استىق پەن كۇنباعىس تۇقىمدارىنىڭ ەكسپورتىنا شەكتەۋلەر قاشان الىنىپ تاستالاتىنىن سۇرادى.
ش.ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنىڭ اگرارلىق-ەكونوميكالىق ينستيتۋتىنىڭ پروفەسسورى جۇماباي الەنوۆ, مينيسترلىك ستۋدەنتتەرگە اۋىلشارۋاشىلىق ماماندىقتارى بويىنشا وقۋ گرانتتارىن قاشان بولە باستايدى جانە مينيسترلىكتىڭ اۋىلشارۋاشىلىق عالىمدارىنا قانداي كومەك كورسەتەتىنى تۋرالى سۇرادى. سونىمەن قاتار پروفەسسور اگرارلىق سەكتوردا جۇمىس ىستەگىسى كەلمەيتىن ستۋدەنتتەرگە مەملەكەتتىك گرانت ءبولۋدىڭ ءتيىمسىز ەكەنىن تىلگە تيەك ەتتى. ءوز تاجىريبەسىنەن مىسال كەلتىرىپ, بۇگىندە 100 تۇلەكتىڭ تەك 10-ى عانا اگرارلىق سالادا جۇمىس ىستەيتىنىن اشىق ايتتى.
ودان كەيىن مينيسترگە اقتاۋلىق زەينەت دەمالىسىنداعى اگرونوم كەنجەبەك ساريەۆ سۇراق قويدى. ول «قازاگرو» قارجى ينستيتۋتى كەپىلگە م ۇلىك تالاپ ەتىپ, نەسيە بەرمەي, ال ۋاكىلەتتى ۇيىمدار 127 ميلليون تەڭگە تۇراتىن جىلىجاي كەشەنىن بەرۋدەن باس تارتىپ وتىرعانىنا شاعىمداندى. اگرونومنىڭ ايتۋىنشا, نىسان يەلەرى ونى ناشار كۇيگە جەتكىزگەن. قازىر جىلىجايلار جۇمىس ىستەمەي قالدى دەدى. كەنجەبەك ساريەۆ قازىرگى جىلىجاي يەلەرى ولاردى كوكشەتاۋدان قاشىقتان باسقارادى دەيدى. بۇل جاعداي شارۋاشىلىقتىڭ قۇلدىراۋىنا سەبەپ بولۋى مۇمكىن. زەينەتكەر ءىستى ءوز قولىنا العىسى كەلەتىنىن, ول جىلىجاي شارۋاشىلىعىن وزگەلەردەن ارتىق جۇرگىزە الاتىنىن ءسوز ەتتى. زەينەتكەردىڭ ايتۋىنشا, ونىڭ ماسەلەسى قالاي شەشىلسە دە, كەز-كەلگەن جاعدايدا, اۋىلشارۋاشىلىق نىساندارىن جەرگىلىكتى تۇرعىندارعا بەرۋ كەرەك, ال باسقا ايماقتاردىڭ تۇرعىندارىنا رۇقسات بەرەردە وتە مۇقيات بولۋ كەرەك.
تۇركىستان وبلىسىنان سۇراق قويعان كوپبالالى انانىڭ دا ساۋالى تىڭدالدى. ول قىرىققابات وسىرەتىن فەرمەرلەرگە ەندى قانداي قولداۋ بولاتىنىن سۇرادى.
بارلىق سۇراقتارعا اۋىل شارۋاشىلىعى ءمينيسترى ساپارحان وماروۆ جان-جاقتى جاۋاپ بەردى. قانداي دا ءبىر تۇيتكىلدى ماسەلە تۋىنداعان جاعدايدا ۇسىنىستار مەن سۇراقتاردى جازباشا جولداۋعا بولاتىنىن, ونى ءوز باقىلاۋىنا الاتىنىن ايتتى.
