«مەنىڭ ويىمشا, بۇل جيىندا الەمدەگى سوڭعى احۋالداردى تالقىلاۋعا مۇمكىندىك بولمايدى. قاتىسۋشىلار ءتىزىمى ەسكىرگەن. ياعني جاقىن ارادا كەزدەسۋدىڭ ەش ءمانى جوق», دەدى ترامپ. اقش-قا بيىلعى وتىرىس ءۇشىن كانادا, فرانتسيا, گەرمانيا, يتاليا, جاپونيا مەن ۇلىبريتانيا دەلەگاتسياسى كەلۋى كەرەك. دونالد ترامپ بۇل تىزىمگە رەسەي, وڭتۇستىك كورەيا, اۋستراليا مەن ءۇندىستان پرەزيدەنتتەرىن قوسۋ كەرەكتىگىن ايتتى. بۇل رەسەيدىڭ 2014 جىلى G8 سامميتىنەن شىعىپ قالعاننان كەيىن العاش رەت اتالعان فورماتتاعى ساياسي ماڭىزدى جيىنعا قاتىسۋى بولماق.
وتكەن اپتادا مەملەكەت باسشىسى پاندەمياعا قاراماستان اق ۇيدە نەمەسە قالا سىرتىنداعى رەزيدەنتسياسى Camp David-تە جينالىس وتكىزۋ قاجەتتىلىگى تۋرالى ايتقان بولاتىن. الايدا گەرمانيا كانتسلەرى انگەلا مەركەل بۇل شاقىرتۋدان باس تارتىپ, پاندەميا مەن وقشاۋلانۋ سەبەبىنەن كەلە المايتىنىن ايتتى. مەركەلدىڭ ءباسپاسوز حاتشىسى «كانتسلەر جاقىن ارادا جيىنعا جەكە ءوزى قاتىسا المايدى, ياعني ول ۆاشينتونعا بارمايدى» دەپ جاۋاپ بەردى. جۇما كۇنى بريتانيا پرەمەر-ءمينيسترى بوريس دجونسون ء«سامميتتىڭ ماڭىزدىلىعىن ەسكەرە وتىرىپ, جاقىن ارادا وتىرىسقا جەكە قاتىسا الاتىنىن» حابارلادى.
ەستەرىڭىزدە بولسا, G7 ءسامميتىنىڭ مۇشەلەرى Covid-19 ۆيرۋسىنا قاتىستى ورناعان كارانتين سالدارىنان ماۋسىمدا ۆيدەو-كونفەرەنتسيا ارقىلى بايلانىسقا شىعىپ, الەمدەگى سوڭعى احۋالداردى تالقىلايتىنىن جوسپارلاپ قويعان بولاتىن.
