اتالعان جوبا 2018 جىلدان باستاپ مەملەكەتتىك-جەكە مەنشىك ارىپتەستىك قاعيداتى بويىنشا ىسكە اسىرىلۋدا. تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ بۇل جوباداعى سەرىكتەستەرى, ەلىمىزدىڭ ءىرى بايلانىس وپەراتورلارى. دالىرەك ايتساق, «قازاقتەلەكوم» اق, سونداي-اق قۇرامىنا «ترانستەلەكوم» اق مەن «SilckNetCom» جشس ەنگەن كونسورتسيۋم بار.
«2020 جىلدىڭ سوڭىنا دەيىن بايلانىس وپەراتورلارى ءوز قاراجاتى ەسەبىنەن 20 مىڭ شاقىرىمنان استام تالشىقتى-وپتيكالىق بايلانىس جەلىلەرىن سالىپ, 1250 شالعاي اۋىلداعى مەكتەپ, اۋرۋحانا مەن اكىمدىككە كەڭ جولاقتى ينتەرنەت جەلىسىنە قوسىلۋ مۇمكىندىگىن ۇسىنادى. «وپتيكالىق – تالشىقتى» جوبا ىسكە اسىرىلعالى بەرى 2065 اۋرۋحانا, مەكتەپ, شۇعىل ارەكەت ەتۋ قىزمەتى, اكىمدىك جانە ت.ب. جۇمىس ىستەيتىن 706 اۋىلعا جەلى جۇرگىزىلدى. سونىمەن قاتار اۋىلداردا تالشىقتى-وپتيكالىق جەلىلەر بولعان جاعدايدا ۇيالى بايلانىس وپەراتورلارىنا وزدەرىنىڭ بازالىق ستانسالارىن ورناتۋعا جانە اۋىل تۇرعىندارىن ساپالى ءموبيلدى ينتەرنەتپەن قامتاماسىز ەتۋ مۇمكىن بولماق. ەلىمىزدە ىسكە اسىرىلىپ جاتقان ەكىنشى جوبا اياسىندا ۇيالى بايلانىس وپەراتورلارى 2020 جىلدىڭ سوڭىنا دەيىن 250-دەن استام ادام تۇراتىن بارلىق اۋىلعا ءموبيلدى ينتەرنەتتى جۇرگىزۋگە مىندەتتەلدى. بۇل رەتتە توبج جوباسىن جۇزەگە اسىرۋ ناتيجەسىندە قۇرىلعان ينفراقۇرىلىمدى ۇيالى وپەراتورلار 3G/4G تەحنولوگيالارىن قولدانۋ ءۇشىن بەلسەندى پايدالانباق», دەلىنگەن مينيسترلىك تاراتقان اقپاراتتا.
وسىلايشا, 2020 جىلدىڭ سوڭىنا قاراي جوعارى جىلدامدىقتى ينتەرنەتپەن قامتاماسىز ەتىلگەن ەلدى مەكەندەر سانى 5 163 جەتەدى. بۇل ەلدى مەكەندەردە تۇرىپ جاتقان حالىق سانى ەل تۇرعىندارىنىڭ 99,3%-نا تەڭ.
