كارانتين كەزىندە قاشىقتان وقىتۋ جۇمىستارىن ويداعىداي ۇيىمداستىرىپ وتىرعان ءبىلىم وشاعىنىڭ ءبىرى قاراعاندى وبلىسى, جاڭاارقا اۋدانىنداعى اقتاۋ اۋىلىندا ورنالاسقان, اقتاۋ جالپى ورتا ءبىلىم بەرەتىن مەكتەبى. شالعايى شالعاي-اق. وبلىس ورتالىعىنان شىعىپ, وسى اقتاۋعا جەتەمىن دەگەنىڭىزشە 300 شاقىرىمنان استام جول جۇرەر ەدىڭىز. ونىسىمەن قويماي, الەم جۇرتشىلىعى 5G ينتەرنەتتى يگەرىپ ۇلگەرگەن ءححى عاسىردا بۇل اۋىلدىڭ تۇرعىندارى قاراپايىم ۇيالى تەلەفون بايلانىسىنا ءزارۋ. حوش. ايتپاعىمىز بۇل ەمەس ەدى.
– اۋىلداعى بىردە-ءبىر ۇيگە ينتەرنەت جەلىسى تارتىلماعان. الايدا ينتەرنەت مۇلدەم جوق دەۋدەن اۋلاقپىن. سپۋتنيك ارقىلى اۋىل اكىمدىگى, مەكتەپ جانە دارىگەرلىك امبۋلاتوريا سىندى نىساندار عانا قامتىلىپ وتىر. سول سەبەپتى دە قاشىقتان وقىتۋ جۇمىستارىن ۇيىمداستىرۋ كەزىندە بىرقاتار قيىندىقتار تۋىندادى. ءبىلىم جانە عىلىم مينيسترلىگى ءبىز سەكىلدى شالعايدا جاتقان اۋىل تۇرعىندارىنا «Balapan», «EL ARNA» تەلەارنالارى مەن قازاق راديولارى ارقىلى بالامالى وقىتۋ جۇيەلەرىن ۇسىنعانى بەلگىلى. قازىرگى تاڭدا ءبىز «Balapan» ارناسىنىڭ مۇمكىندىگىن كەڭىنەن قولدانىپ وتىرمىز, – دەيدى مەكتەپ ديرەكتورى ماقسات ارۋنوۆ.
ونىڭ ايتۋىنشا, مەكتەپ اكىمشىلىگى مۇنىمەن شەكتەلگەن جوق. كەڭەسە كەلە, اۋىل تۇرعىندارىنا ينتەرنەتسىز كورپوراتيۆتىك Wi-Fi جەلىسىن تارتۋ تۋرالى شەشىم قابىلدادى. بۇل Wi-Fi جەلىسىنىڭ ارتىقشىلىعى سول, بۇعان ينتەرنەتكە تولەگەندەي ەشقانداي ترافيكتىك تولەم الىنبايدى. ياعني اتا-انالار ءۇشىن تەگىن. وسىلايشا جەلىلىك جۇيە ويلاستىرىلىپ, ىسكە قوسىلدى. وقۋشىسى بار شاڭىراقتارعا 54 مەكتەپ كومپيۋتەرى ۋاقىتشا بەرىلدى. سونىڭ ىشىندە كومپيۋتەرى جوق 27 كوپبالالى وتباسى دا بار. 1 كومپيۋتەر عانا مەكتەپ عيماراتىندا قالدىرىلىپ, قالعان 54-ءى جوعارىدا اتاپ وتكەن جەلى ارقىلى ءبىر-بىرىمەن بايلانىس جاساپ تۇر.
كورپوراتيۆتىك Wi-Fi جەلىسى دەگەنىمىز نە؟ بۇل جەلى باياعىدان بار. الايدا وسى ۋاقىتقا دەيىن بۇل لوكالدى جەلى ۇلكەن عيماراتتاردا عانا قولدانىلعان ەدى. ال مەكتەپ اكىمشىلىگى جاڭالىق رەتىندە ونى اۋماعى 1,5 شاقىرىمدى قۇرايتىن اۋىلعا, وندا ورنالاسقان ۇيلەرگە تارتىپ وتىر. وسىلايشا وقۋشىلاردىڭ ونلاين تۇردە وقۋدان قول ءۇزىپ قالماۋىنا كۇش سالىندى. ولار ۇيدەن شىقپاي-اق جەلى ارقىلى ساباق تاپسىرمالارىن الىپ, ءبىلىمىن جەتىلدىرۋدە.
گۇلشاحار كوبەەۆا,
جاڭاارقا اۋداندىق ءبىلىم ءبولىمىنىڭ ادىسكەرى
قاراعاندى وبلىسى
