– اتىراۋ قالالىق پوليتسيا باسقارماسىنىڭ 102 نومىرىنە ماحامبەت كوشەسىندەگى كوپ قاباتتى ۇيلەردىڭ ءبىرىنىڭ اۋلاسىندا ويناپ جۇرگەن 2011 جىلعى بالانىڭ جوعالعانى تۋرالى حابار ءتۇستى. ايەل ادامنىڭ ايتۋىنشا, ونى قالانىڭ شەتكەرى شاعىناۋدانىندا تۇراتىن باۋىرى ۋاقىتشا قاراۋعا قالدىرعان, - دەپ حابارلادى دەپارتامەنتتىڭ ءباسپاسوز قىزمەتى.
جوعالعان بالانى ىزدەۋگە قالالىق پوليتسيا باسقارماسىنىڭ جەكە قۇرامى جۇمىلدىرىلدى. ارادا جارتى ساعاتقا جۋىق ۋاقىت وتكەندە يۋۆەنالدى پوليتسيا ءبولىمىنىڭ اعا ينسپەكتورى, پوليتسيا كاپيتانى ەرلان وتەنيازوۆتان راتسيا ارقىلى جوعالعان بالانىڭ اباي-دوستىق كوشەلەرىنىڭ قيىلىسىنداعى ۇيلەردىڭ اۋلاسىنان تابىلعانى تۋرالى حابار ءتۇستى. بالانىڭ ايتۋىنا قاراعاندا, ويناپ ءجۇرىپ, تۋىسىنىڭ ۇيىنەن ۇزاپ كەتكەنىن بايقاماعان.
