تاڭداۋ ەركى وزىنە بۇيىرعان ءجانيا سماعۇلوۆا ۋلسان ۇلتتىق عىلىم جانە تەحنولوگيا ۋنيۆەرسيتەتىندە (UNIST) ءبىلىم الۋدى قۇپ كورىپتى. نەگىزى 2009 جىلى قالانعانىنا قاراماستان, اتالعان ءبىلىم ورداسى از عانا ۋاقىتتىڭ ىشىندە الەمدىك دەڭگەيدەگى وقۋ ورىندارىنىڭ بىرىنە اينالىپ ۇلگەرگەن ەكەن. ۋنيۆەرسيتەت وڭتۇستىك كورەيانىڭ ءوندىرىس استاناسى سانالاتىن ۋلسان قالاسىندا ورنالاسقان.
اتالعان ۋنيۆەرسيتەتكە جىل سايىن شەت مەملەكەتتەردەن ىرىكتەۋ سىنىنان مۇدىرمەي وتكەن 40-قا جۋىق ستۋدەنت قانا قابىلدانادى ەكەن. ءجانيا سماعۇلوۆا سايدىڭ تاسىنداي ىرىكتەلگەن وزاتتاردىڭ قاتارىندا بولعانىن ءوزى ءۇشىن ۇلكەن ابىروي سانايدى.
– وقۋ ورنى مەنىڭ جان-جاقتى دامۋىما, كرەاتيۆتى جانە تالانتتى ستۋدەنتتەرمەن بىرگە ءتۇرلى جوبالار جاساۋعا مۇمكىندىك بەرەدى دەپ ويلايمىن. بولاشاقتا وسى سالانى تەرەڭىرەك زەرتتەپ, ەلىمىزدىڭ ەكونوميكاسىن وركەندەتۋگە ات سالىسقىم كەلەدى, – دەيدى ول.
ۋنيۆەرسيتەتتە ءجانيا سماعۇلوۆا حالىقارالىق ەكونوميكا جانە قارجى سالاسى بويىنشا ءبىلىم الاتىن بولادى.
قاراعاندى وبلىسى
