بۇل – اباتتاندىرۋ مەن تازالىقتى ساقتاۋعا جەرگىلىكتى پوليتسيانىڭ ارالاسۋىنىڭ ارقاسى دەپ ايتۋعا بولادى. بۇرىن پوليتسيانى تەك ءتارتىپتى ساقتاۋشى, قىلمىستى قۇرىقتاۋشى دەپ قانا ءبىلىپ, ولاردى تازالىق ساقتاۋ ىسىنە تارتۋعا ەشكىم ءمان بەرمەيتىن. سويتسەك, تازالىقتىڭ ءوزى تارتىپپەن تىكەلەي بايلانىستى ەكەن عوي. جەرگىلىكتى پوليتسيا قىزمەتى اشىلعاننان بەرى تازالىق پەن ءتارتىپ قوسا قاداعالانىپ, ورتاق جەڭىسكە جول اشىپ تۇر.
جىلى مەزگىل باستالعاننان بەرى سولتۇستىك قازاقستان وبلىستىق جەرگىلىكتى پوليتسياسى اباتتاندىرۋ ەرەجەلەرىن بۇزعانى, تازالىقتى ساقتاماعانى ءۇشىن 31 ادامعا ايىپپۇل سالدى. قىزىلجاردا كۇن سايىن 67 ۋچاسكەلىك پوليتسيا ينسپەكتورى قىزمەت كورسەتەتىن اۋماقتاعى اباتتاندىرۋ ەرەجەلەرىنىڭ ساقتالۋىن تەكسەرەدى. سونىمەن قاتار, قاڭتار ايىنان باستاپ قالا اكىمدىگى قىزمەتكەرلەرىمەن بىرگە 53 ماقساتتى رەيد جۇرگىزىلدى.
جەكە سەكتورلار, كوپ پاتەرلى ۇيلەردىڭ اۋلالارى, ازاماتتاردىڭ دەمالاتىن ورىندارى, ساياجايعا باراتىن جولدار تەكسەرىلدى. «وسىنداي رەيدتەر كەزىندە جەكەمەنشىك ءۇي شارۋاشىلىقتارىنان باستاپ ءىرى كاسىپورىندارعا دەيىنگى بارلىق مەنشىك يەلەرىنە جادناما-ۇسىنىستار تاپسىرىلادى», - دەدى وبلىستىق پوليتسيا دەپارتامەنتى باستىعىنىڭ ءبىرىنشى ورىنباسارى, پوليتسيا پولكوۆنيگى قانات ايتباەۆ.
«حالىققا, جەكە كاسىپكەرلەرگە, ۇيىمدار مەن كاسىپورىنداردىڭ باسشىلارىنا ىرگەلەس اۋماقتاردى سانيتارلىق تازارتۋ قاجەتتىلىگى تۋرالى اقپارات بەرىلەدى. قىزمەتكەرلەردىڭ پروفيلاكتيكاعا نازار اۋدارۋى تاپسىرىلدى. نەگىزگى جازا - بۇل ەسكەرتۋ بولىپ تابىلادى. الايدا, ءبىر جىل ىشىندە بىرنەشە رەت بۇزۋشىلىقتار ورىن السا, زاڭدى تۇردە جازالاۋ شارالارى قولدانىلادى», - دەدى ول.
سونىمەن قاتار, پوليتسيا قىزمەتكەرلەرى تۇرعىندار تاراپىنان تۇسكەن حابارلامالارعا دا نازار اۋدارادى. وتكەن اپتادا Instagram الەۋمەتتىك جەلىسىندە قالا شەتىندەگى قوقىس توگىلگەن اۋماقتاردىڭ بەينەجازباسى پايدا بولدى.
ءتارتىپ ساقشىلارى وسى ۋچاسكەلەردەن قوقىس شىعارۋعا جاۋاپتى ۇيىمدى دەرەۋ انىقتاپ, اكىمشىلىك قۇقىق بۇزۋشىلىق تۋرالى كودەكستىڭ «قالالار مەن ەلدi مەكەندەردiڭ اۋماقتارىن اباتتاندىرۋ قاعيدالارىن بۇزۋ, سونداي-اق قالالار مەن ەلدى مەكەندەر ينفراقۇرىلىمى وبەكتىلەرىن بۇزۋ, جاسىل ەكپەلەرىن جويۋ جانە ءبۇلدىرۋ» بويىنشا اكىمشىلىك حاتتاما تولتىردى.
قىزىلجار
