سولتۇستىك مۇزدى مۇحيتتى زەرتتەگەن گەرنەت قاروبادا جەرلەنگەن

ايماقتار • 31 مامىر، 2020

سولتۇستىك مۇزدى مۇحيتتى زەرتتەگەن گەرنەت قاروبادا جەرلەنگەن

278 رەت كورسەتىلدى

2017 جىلى اۋدان اكىمدىگى قاراوبا اۋىلىندا گەرنەت جەرلەنگەن زيرات باسىنا ەسكەرتكىش بەلگى ورناتتى.ەسكەرتكىش بەلگىدە: زدەس ۆ اۆگۋستە 1943 گودا پوحورونەن گەرنەت ەۆگەني سەرگەەۆيچ ۆوەننىي مورياك، يسسلەدوۆاتەل اركتيكي. رەپرەسسيروۆان ۆ 1938 گودۋ» دەپ جازىلعان.

فاريدا بىقاي

بۇل جەردەگى زيراتتا ە.گەرنەتپەن بىرگە جەر اۋدارىلعان باسقا دا قۋعىن-سۇرگىنگە ۇشىرعان ادامدار جەرلەنگەن. ال تاريحي مالىمەتتەر ە.گەرنەتتىڭ (1882-1943) الىس تەڭىز كاپيتانى، ورىس-جاپون سوعىسىنىڭ باتىرى، ازوۆ قىزىل فلوتىنىڭ باسشىسى، اركتيكا زەرتتەۋشىسى بولعانىن جازادى.

دۆورياندار اۋلەتىنىڭ ۇرپاعۆ ەۆگەني گەرنەت 1882 جىلى سانكت-پەتەربورداعى كروندشتاتتا دۇنيەگە كەلگەن.عالىم سولتۇستىكتى مۇزدى مۇحيتتى عىلىمي تۇردە زەرتتەۋ ءۇشىن بىرنەشە ەكسپەديتسيا جولدارىن دايىندايدى.

1937 جىلى زەرتتەۋشى گيدرولوگ-عالىمدار توبىن باستاپ،سولتۇستىك مۇزدى مۇحيتقا زەرتتەۋ جۇمىسىنىڭ جوبا كارتاسىن جاسايدى.1938 جىلدارى ءارتۇرلى ساياسي جالا، «جاپون تىڭشىسى» دەگەن ايىپ تاعىلعان ەۆگەني گەرنەت جازىقتى بولىپ، قازاق جەرىنە تۇكپىردەگى قاراوبا كولحوزىنا جەر اۋدارىلادى.

ال 1943 جىلى 5 جىلى وتەلىپ قازانعا بارۋعا رۇقسات بەرىلدى.گالينا ەسىمدى قىزىنا بارماق بولىپ، قۋانىشتى حاباردان جۇرەگى شىداماي، كەنەتتەن قايتىس بولعان.

قاراوبا اۋىلىنىڭ تۇرعىندارى 1956 جىلى اكە بەيىتىن ىزدەپ كەلگەن گالينا گەرنەتتى قارسى الىپ، قىزىنا ونىڭ جەرلەنگەن جەرىن كورسەتەدى. 2011 جىلى گالينا گەرنەت اكەسىنە ارناپ «ون ۋمەر وت رادوستي» دەگەن كىتاپ جازعان. ول ءوزىنىڭ قولتاڭباسى بار كىتاپتى اۋىل مەكتەبىنە سىيعا تارتىپتى.

كارتا جاساعان زەرتتەۋشى-عالىمنىڭ پوليار مۇز باسۋىنا بايلانىستى زەرتتەگەن ەڭبەگى كەيىن دالەلدەنگەنى جازىلعان. جىل سايىن اقتوعايلىقتار ەۆگەني گەرنەت بەيىتىنىڭ باسىنا بارىپ گۇل شوقتارىن قويىپ، وتكەن زۇلمات قۇرباندارىن ەسكە الادى.

پاۆلودار وبلىسى

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز