«اتالعان نىساندارعا اعىمداعى جىلى 3,7 ملرد تەڭگە قاراجات قاراستىرىلعان. مەملەكەت مۇقتاجى ءۇشىن يەلىكتەن شىعارىلاتىن جەر ۋچاسكەسىنىڭ, سونداي-اق جەر ۋچاسكەسىندە ورنالاسقان جىلجىمايتىن م ۇلىكتىڭ قۇنى, ولاردىڭ نارىقتىق قۇنى مولشەرىندە ايقىندالادى. بۇگىنگى تاڭدا الاڭى 17,3 گەكتاردى قۇرايتىن 152 جەر ۋچاسكەسىن قايتارۋعا 1 ملرد 458 ملن تەڭگە جۇمسالعان»,- دەدى باسقارما باسشىسى.
ونىڭ ايتۋىنشا, اعىمداعى جىلدىڭ بەس ايىندا تۇرعىن ۇيلەر قۇرىلىسى مەن جول قۇرىلىسىنا, جاڭا تەرمينال مەن جۇقپالى اۋرۋحاناعا جانە مەكتەپ پەن جاسىل ايماق قۇرۋ سىندى 11 نىساننىڭ قۇرىلىسى ءۇشىن مەملەكەت مۇقتاجىنا قاراستىرىلعان جەر ۋچاسكەلەرى تولىقتاي قايتارىلعان.
قالا باسشىسى ءبىرىنشى كەزەكتە الەۋمەتتىك ماڭىزى بار نىساندار ءۇشىن قاجەتتى جەر تەلىمدەرىن قايتارۋدى تاپسىردى.
«جوسپارلانعان قۇرىلىستىڭ سوزىلۋىنا الىپ كەلەتىن ماسەلەنىڭ ءبىرى مەنشىك يەلەرىنىڭ باعالانعان م ۇلىكتىڭ قۇنىنا كەلىسپەيتىندىگى. سوندىقتان قۇنىن ايقىنداۋدا مەنشىك يەسىنىڭ قۇقىعى قورعالىپ, نارىقتاعى قۇنمەن وتەلۋى ءتيىس. سونىمەن قاتار, قالادا جۇزەگە اسىرىلىپ جاتقان جوبالاردىڭ ماڭىزدىلىعى تۋرالى تۇرعىندارعا دۇرىس ءتۇسىندىرۋ قاجەت»,- دەدى م.ايتەنوۆ.
ەسكە سالساق, وتكەن جىلى 199 جەر ۋچاسكەسىنە 2 ملرد 301 ملن تەڭگە قاراجات ءبولىنىپ, 61,8 گا جەر مەملەكەتكە قايتارىلعان.
شىمكەنت
