ءۇرجار اۋەجايىنا كەلىپ قونعان ان-2 ۇشاعىنان ءورت شىقتى. بۇل تۋرالى قر يندۋستريا جانە ينفراقۇرىلىمدىق دامۋ مينيسترلىگى Telegram پاراقشاسىندا حابارلادى.
«بۇگىن ساعات 15:31-دە قونعاننان كەيىن «تاراز جاڭا الەم» جەكە اۋە كومپانياسىنىڭ ان-2 ۇشاعىندا ءورت تۇتاندى. اۋە كەمەسى سەمەي – ءۇرجار باعىتى بويىنشا TJA5221 سانيتارلىق رەيسىن ورىندادى. ۇشاق 15:25-تە قوندى. ءورت ۇشاق جەرگە قونعاننان كەيىن بولعان, اۋە كەمەسىنىڭ بورتىندا ادامدار بولعان جوق. ساعات 15:50-دە ءورت ءسوندىرىلدى. زارداپ شەككەندەر جوق» دەلىنگەن حابارلامادا.
اتالعان فاكتى بويىنشا يندۋستريا جانە ينفراقۇرىلىمدىق دامۋ مينيسترلىگىنىڭ اۆياتسيالىق وقيعالاردى تەكسەرۋ باسقارماسى وقيعا تەرگەۋىن باستادى.
شىعىس قازاقستان وبلىسى
