ايماقتار • 30 مامىر، 2020

جازعى دەمالىستا بالالاردىڭ قاۋىپسىزدىگى باستى ماسەلە

22 رەت كورسەتىلدى

وبلىستىق توتەنشە جاعدايلار دەپارتامەنتىندە "بالالاردىڭ جازعى دەمالىس كەزەڭىندە جازاتايىم وقيعالاردىڭ الدىن الۋ" تاقىرىبىندا دوڭگەلەك ۇستەل وتىرىسى ءوتتى.

جيىن بارىسىندا ءوڭىردىڭ ءبىلىم بەرۋ، مادەنيەت جانە سپورت مەكەمەلەرىنىڭ، جەرگىلىكتى پوليتسيا قىزمەتىنىڭ، يۋۆەنالدى پوليتسيا مەن ۆولونتەرلىك ۇيىمداردىڭ وكىلدەرى جازعى دەمالىس كەزىندەگى بالالاردىڭ قاۋىپسىزدىگىن قامتاماسىز ەتۋ ماسەلەلەرىن تالقىلادى.

وبلىستىق ءبىلىم بەرۋ باسقارماسى باسشىسىنىڭ ورىنباسارى روزا اقانوۆانىڭ ايتۋىنشا، بيىل جازدا 105 مىڭنان استام وقۋشىنىڭ جازعى دەمالىسى مەن بوس ۋاقىتىن لايىقتى وتكىزۋ جوسپارلانعان.

وبلىستا ءارتۇرلى باعىتتاعى 750 بالالار لاگەرى اشىلادى. دەپارتامەنت باستىعىنىڭ ورىنباسارى سامات اسايىنوۆ جازعى دەمالىس كەزىندە بالالاردىڭ قازا بولۋى مەن جاراقاتتانۋ فاكتىلەرىنە جول بەرمەۋ قاجەتتىگىن العا تارتىپ، بالالاردىڭ اتا-انالارىمەن ءتۇسىندىرۋ جۇمىستارىن كۇشەيتۋ قاجەتتىگىن ەسكەرتتى.

حالىقتىڭ الەۋمەتتىك قورعالماعان توپتارىنىڭ بالالارىن  ادامگەرشىلىك-رۋحاني، پاتريوتتىق تاربيەگە باۋلۋ ماقساتىندا ۇل بالالارعا ارنالعان "جىگەر" جوباسى جانە قىز بالالارعا ارنالعان "بالاۋسا" جوباسى ىسكە اسىرىلادى.

سونىمەن قاتار، بالالاردىڭ سۋداعى قاۋىپسىزدىگىن قامتاماسىز ەتۋ ماسەلەسى اسا وزەكتى. وتكەن جىلى  وبلىستىڭ سۋ ايدىندارىندا 10 بالا سۋعا باتقان ەدى.

سامات اسايىنوۆ بالالار لاگەرلەرىنىڭ قىزمەتكەرلەرى مەن پەداگوگيكالىق ۇجىمىنىڭ قاۋىپسىزدىك تەحنيكاسىن ءبىلۋى بويىنشا جۇمىس  جۇرگىزىپ، لاگەرلەردەگى باستاپقى ءورت ءسوندىرۋ قۇرالدارىنىڭ تەحنيكالىق ازىرلىگىن تەكسەرۋ قاجەتتىلىگىن اتاپ ءوتتى.

سونىمەن قاتار، دەپاراتمەنت قىزمەتكەرلەرى مامىر ايىندا ءوڭىردىڭ سۋقويمالارىندا جازاتايىم وقيعالاردىڭ الدىن الۋ بويىنشا 249 رەيد جۇرگىزدى. رەيدتەر بارىسىندا دەپارتامەنتتىڭ قىزمەتكەرلەرى 1570 ادامعا جادىناما تاراتتى، ولاردىڭ ىشىندە 377 بالا بار.

 

پاۆلودار وبلىسى

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • كەشە

ۇقساس جاڭالىقتار