ۆيتسە-مينيستر, سونداي-اق ««QazAvtoJol» ۇك» اق الماتى قالاسى بويىنشا فيليالىنىڭ باسشىلىعى, «تالدىقورعان-وسكەمەن» جوباسىن ىسكە اسىرىپ جاتقان «CITIC Cinstruction Co.Ltd» جشس, «ك-دورستروي» جشس سياقتى مەردىگەر ۇيىمداردىڭ جانە ء«ۇشارال-دوستىق» اۆتوموبيل جولىندا قايتا جاڭارتۋ جۇمىستارىن جۇرگىزىپ جاتقان «ابك-اۆتودور نس», «قىران» جشس كومپانيالارىنىڭ وكىلدەرى قاتىسقان كەڭەيتىلگەن وتىرىسقا توراعالىق ەتتى.
ەسكە سالايىق, رەكونسترۋكتسيادان وتكەن سوڭ, «تالدىقورعان – وسكەمەن» تاسجولىنىڭ 32 شاقىرىمى ءتورت جولاقتى 1 تەحنيكالىق ساناتتاعى, تاسجولدىڭ قالعان 561 شاقىرىمى قوزعالىسقا ارنالعان 2 جولاعى بار ءىى تەحنيكالىق ساناتتاعى جول بولماق. ۇزىندىعى 180 شاقىرىمدى قۇرايتىن ء«ۇشارال-دوستىق» جولى دا 2 جولاعى بار ەكىنشى تەحنيكالىق ساناتتاعى جولعا سايكەستەندىرىلەدى دەپ كۇتىلۋدە.
سونىمەن قاتار, الماتى وبلىسىنا جاساعان جۇمىس ساپارىنىڭ اياسىندا يندۋستريا جانە ينفراقۇرىلىمدىق دامۋ ءمينيسترىنىڭ ورىنباسارى بىرقاتار كەڭەس وتكىزىپ, «شامالعان ستانتسياسىنداعى جول وتپەسىنىڭ قۇرىلىسى», «التىن وردا» بازارى ماڭىنداعى «الماتى-بىشكەك» جولىنىڭ 16-19 شاقىرىمىن كۇردەلى جوندەۋدەن وتكىزۋ», «الماتى-بىشكەك» جولىنىڭ (785-786 شاقىرىمى) «اسىل ارمان» تك اۋدانىنداعى (18-19شاقىرىمى) ۋچاسكەسىن كۇردەلى جوندەۋ» سياقتى باسقا دا ينفراقۇرىلىمدىق جوبالاردى جۇزەگە اسىرۋ بارىسىمەن تانىستى.
ۆيتسە-مينيستر بەرىك قاماليەۆ مەردىگەر ۇيىمداردىڭ باسشىلارىنا جۇمىس قارقىنىن تومەندەتپەي, جول ۋچاسكەلەرىنىڭ تولىق بويىنداعى قوزعالىستى بيىل اشۋدى تاپسىردى.
