ايماقتار • 30 مامىر، 2020

اتىراۋدا وزەن پورتى جۇمىسىن قايتادان باستادى

335 رەت كورسەتىلدى

بۇدان بەس جىل بۇرىن اتىراۋ وزەن پورتىنىڭ جۇمىسى توقتاعان بولاتىن. ونىڭ باستى سەبەبى – جايىق-كاسپي كانالىنىڭ ءتۇبىن  تەرەڭدەتۋ جۇمىسىنىڭ  جۇرگىزىلمەۋى.

– بۇل پورت بۇرىنعى گۋرەۆ قالاسىندا 1926 جىلى اشىلعان ەدى. سودان بەرى ءبىر عاسىرعا جۋىق مەرزىمدە كەمەلەرمەن جۇك تاسىمالدانىپ كەلدى. ال، 2010 جىلى پورتقا رەكونسترۋكتسيا جۇرگىزىلىپ،  جىل سايىنعى جۇك قابىلداۋ قۋاتىن 15 مىڭ تونناعا جەتكىزگەن ەدىك. الايدا، بەس جىل بۇرىن جۇمىسىمىزدى توقتاتۋعا ءماجبۇر بولدىق. ويتكەنى، جايىق-كاسپي كانالىمەن جۇك تاسىمالداۋ مۇمكىن بولمادى. كانال جولى بىتەلىپ،  تەرەڭدەتۋ جۇمىستارىن جۇرگىزۋ قاجەتتىگى تۋىندادى، -دەيدى اتىراۋ وزەن پورتىنىڭ ديرەكتورى ازامات زۇلحارناەۆ.

ونىڭ ايتۋىنشا، پورتقا سۋ جولىمەن سوڭعى رەت 2015 جىلى جۇك كەلىپتى. سول كەزدە  شەتەلدىك مۇناي جانە سەرۆيستىك كومپانيالاردىڭ  تاپسىرىسىمەن جەتكىزىلگەن جۇك قابىلدانعان ەدى. سودان كەيىن  اتىراۋعا سۋ جولىمەن كەلەتىن جۇكتەر ماڭعىستاۋداعى باۋتين پورتىنا جەتكىزىلەتىن بولدى.

ەندى مىنە، اتىراۋ وزەن پورتىنا بەس جىلدان كەيىن  ءىرى گاباريتتى جۇكتى  قابىلداي باستادى.  بۇل –گاز-حيميا كەشەنى ءۇشىن وڭتۇستىك كورەيادا قۇراستىرىلعان پروپان ساقتايتىن رەزەرۆۋارلار.

ء–بىز گاز-حيميا كەشەنىنىڭ قۇرىلىسىنا قاجەتتى رەزەرۆۋارلاردى قابىلداپ الدىق. ونىڭ سالماعى –532 توننا. ءىرى گاباريتتى جۇكتى ەكى بارجامەن جەتكىزدى. جاقىندا تاعى وسىنداي ءۇش بارجامەن كەلەتىن  اۋىر جۇكتى كۇتىپ وتىرمىز، -دەيدى وزەن پورتىنىڭ قىزمەتكەرى رۋسلان اسانوۆ.

وزەن پورتىنىڭ ديرەكتورى ازامات زۇلحارناەۆتىڭ ايتۋىنشا، ەندى مۇندا الىس جانە جاقىن شەتەلدەردەن تاۋاردىڭ كەز كەلگەن ءتۇرى تيەلگەن سۋ كولىكتەرىن قابىلداۋعا تولىق مۇمكىندىك بار. 

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • 10 شىلدە، 2020

پنەۆمونياعا باسقا اتاۋ بەرىلۋى مۇمكىن

كوروناۆيرۋس • 10 شىلدە، 2020

كوروناۆيرۋس ىندەتى 3 كەزەڭنەن تۇرادى

كوروناۆيرۋس • 10 شىلدە، 2020

ۇقساس جاڭالىقتار