«رەسپۋبليكادا مۇعالىمنىڭ كاسىبي قىزمەتىن جۇزەگە اسىرۋ ءۇشىن جاعدايلاردى قامتاماسىز ەتەتىن ەرەكشە مارتەبەسى تانىلادى. مەكتەپكە كەلگەن جاس پەداگوگقا ءبىر وقۋ جىلى كەزەڭىندە پەداگوگ-تالىمگەر بەكىتىلەدى جانە وعان قوسىمشا اقى تولەنەدى. زاڭمەن پەداگوگتىڭ مەكتەپكە دەيىنگى ءبىلىم بەرۋ ۇيىمدارىندا ورىن بەرۋ, جۇمىس ورنى بويىنشا سايلاۋ جانە سايلانبالى قىزمەت اتقارۋ, بارلىق ەر-پەداگوگتاردى, سونىڭ ىشىندە قالا مەكتەپتەرىن اسكەري قىزمەتكە شاقىرۋدى كەيىنگە قالدىرۋ بولىگىندە قۇقىقتارى كەڭەيتىلدى», – دەدى ب. كوپتىلەۋوۆا.
ونىڭ ايتۋىنشا, 1 ساۋىردەن باستاپ دەپارتامەنت پەداگوگتاردى ولاردىڭ قىزمەتىنە ءتان ەمەس جۇمىستارعا تارتۋ جانە قوسىمشا ەسەپتىلىكتى تالاپ ەتۋ بويىنشا مونيتورينگ جۇرگىزەدى.
«وسى ماقساتتا ءبىز كاسىبي مىندەتتەرمەن بايلانىستى ەمەس جۇمىس تۇرلەرىنە پەداگوگتاردى تارتۋعا جول بەرمەۋ بويىنشا اقپاراتتىق-ءتۇسىندىرۋ جۇرگىزەمىز. بۇزۋشىلىق فاكتىلەرى انىقتالعان جاعدايدا ءتيىستى تارتىپتىك ىقپال ەتۋ شارالارى كوزدەلگەن. وسىنداي فاكتىلەر بويىنشا پەداگوگتار ءبىزدىڭ دەپارتامەنتكە حابارلاسا الادى», – دەپ اتاپ ءوتتى ب.كوپتىلەۋوۆا.
سونىمەن قاتار 14 ناۋرىزدان باستاپ 39 كوللەدجدى قامتيتىن كوللەدج ستۋدەنتتەرىنە قاشىقتان وقىتۋ تەحنولوگيالارىنا قولجەتىمدىلىكتىڭ بولۋىنا مونيتورينگ جۇرگىزىلدى. مونيتورينگ قورىتىندىسى بويىنشا بارلىق كوللەدجدەردە ستۋدەنتتەردى قاشىقتان وقىتۋعا اۋىستىرىلعانى, كەيبىر كوللەدجدەردە قاشىقتان وقىتۋ تەحنولوگيالارىنا قولجەتىمدىلىكتىڭ جوقتىعى, ينتەرنەت جىلدامدىعىنىڭ تومەندىگى فاكتىلەرى انىقتالدى. بۇگىندە بۇل ماسەلەلەر شەشىلدى.
ء«بىز كۇن سايىن سايتتار مەن الەۋمەتتىك جەلىلەردەن, call-ورتالىقتاردان, تەلەفون ارقىلى جۇگىنۋلەردەن قالانىڭ ءبىلىم سالاسىنا قاتىستى اقپاراتتى انىقتايمىز. ءتارتىپ بۇزۋشىلىق فاكتىلەرىن جەرگىلىكتى اتقارۋشى جانە مەملەكەتتىك ورگانداردىڭ قاتىسۋىمەن شۇعىل قاراستىرامىز جانە دەرەۋ كومەك كورسەتۋ بويىنشا شارالار قولدانامىز», – دەپ اتاپ ءوتتى دەپارتامەنت باسشىسى.
